創發潮州飯店

营业中

休息中

不愧系全港数一数二嘅潮菜....最喜欢佢哋摆响门口嘅明火档，各式各样嘅潮式小菜、大菜纷陈罗列，睇到眼都花埋...睇见隔篱有D人仲叫蚝烙，韭菜猪红，不禁失笑...同老友打完波，个肚饿到极，一去到都未坐暖就即刻送一小碟腌芥菜及功夫茶，正当要举筷之际，阿靓姐即刻送嚟一碟煎池仔鱼俾我哋送酒。哗...无得顶...呷两口啤酒后就马上行出去睇吓有乜食，太多嘢想食嘞..，最后叫咗猪脚冻、芥兰芯炒吊片及笋棵...猪脚冻做得入口即化，好胶口，堪称完美；芥兰芯爽口，带点微苦，啱晒我呢亭步入中年嘅人，吊片好鲜，食落口够晒弹牙；笋棵系用猪油煎，香到痺，皮又够烟靭，馅份量适中亦不过咸，完美...基本上我哋之后都冇乜叫过嘢，因为阿靓姐每奉有嘢响厨房出嘅时候都会夹几件俾我哋，哗.....一大碗薄壳端来，够肥美，基本上系冇肉，而系食紧糕加肉，肥美嘅程度可想而知，加埋落咗大量蒜头、不知名嘅香叶及沙茶酱炒，食到七个一皮...普宁炸豆腐做得外脆内软，自从响澳门李康记之后都冇食过咁靓嘅豆腐...甜品反沙芋又系一绝--- 够甜，糖沙完全黐晒响芋头上，好讲功夫；芋头一丝丝，亦算几粉，热辣辣一啖咬落，又系食到唔停得口...之后再送多