迦南美食

营业中

休息中

星期日去左青龙头探男朋友啊，到左晚饭时间问佢有咩野好食，佢谂都唔谂就带左我去深井既迦南美食到食，佢话呢一头最好食就系呢间啦！我完全唔熟呢头既，梗系信佢啦！果然去到就已经见到排哂长龙啦，小小一间店仔就已经要等差唔多二十张枱，不过好彩当中有Ｄ系外卖黎既原来，咁我地等左半个钟多小小就有得入去食啦。系我男朋友既极力推荐之下，我叫左一个青酒海鲜乌冬，唔好讲笑，我真系觉得坚系好味的！第一，佢个汤好香，有好浓既牛油味之余仲有淡淡既青酒香，一Ｄ都会有酒既苦涩味，仲好香甜！第二就系个Ｄ海鲜啦，我本身唔系海鲜既爱好者，但系呢酊既海鲜真系极度的鲜甜，完全冇果Ｄ冰鲜味！Ｄ虾好弹牙啦！另外最钟意就系Ｄ蚬啦！好CREAMY呀真系，食到我完全停唔到口！男朋友叫左个牛肉汤乌冬，我冇试食呀，但系都闻到好香呀Ｄ味！不过我下次唔会试住，我应该点都会叫返呢个青酒海鲜乌冬好好回味下！因为我真系爱上了！！！！！！！