小包包 (已結業)

我系慕名而来嘅！其实又唔系特登，咁啱𠮶日系中环同朋友食午餐，就嚟到12点又未谂到食乜，去到PMQ附近，我就醒起一路都好想来呢度试吓，朋友又唔反对就过嚟试下。真系好好彩，因为未开店嘅关系，前面只系有几个人排紧队，我哋都𠮶阵已经12点，所以排咗几分钟就可以入去，我实在难掩我兴奋嘅心情，但系最近食量真系细咗好多，所以我决定一人只准叫一个包！Pork belly - 招牌果然系招牌，冇得输！猪腩肉烧得啱啱好，肥瘦均匀，配上香香辣辣嘅酱汁，仲有洋葱，葱同埋菜丝，系超好食！连平时唔会食肥肉嘅朋友仔都大啖大啖话好好味！Scallion chicken - 真心惊喜！我拣咗佢冇拣到天妇罗炸鱼，实在系聪明！佢𠮶件炸鸡真系炸得超好味，有肉汁嘅炸鸡真系唔知去边度揾！佢件炸鸡仲要系有厚度，你要个口好大先至咬得到佢件鸡，你想唔想像得到个满足感有几大？将画龙点睛嘅地方系佢嘅酱汁配上左姜容，葱同埋大量椰菜丝！超级超级好味！间店有几大一眼睇晒，不过天气真系好热，一路食啲汗都冇停过，不过佢嘅包包真系做得好好味，我一定会再返嚟帮衬！