丸·茶手作 (已結業)

同朋友嚟到佐敦，突然想饮番杯珍珠奶茶，上网一search发觉有一个新开嘅台式饮品店，个个都话佢啲珍珠好特别，于是就觉得不妨一试。一嚟到门口已经见到做紧新开张优惠，而且门外面望入去仲见到系人手整嘅珍珠，望落真系好吸引呀。一嚟就梗系叫一杯乌龙茶做Base嘅珍珠奶茶啦，乌龙茶比一般坊间用铁观音茶做Base嘅奶茶有另一番香浓嘅味道，而少d涩味。而我就拣咗最近好hit嘅黑糖珍珠，再加上我好钟意嘅芒果蒟蒻球做配料。估唔到三样野加埋嘅Max and match咁夹。黑糖珍珠咬落好有口感，而且芒果蒟蒻球咬落超爽！建议大家真系要试一试呢个配搭啊！陪我去嘅朋友就叫咗一杯芒果绿茶，绿茶嘅味道有少少盖过左盖过左芒果嘅味道，所以茶味会比较浓。呢杯芒果绿茶十分适合钟意茶味较浓嘅朋友仔。鸡蛋布甸就十分之甜，衬落芒果味度就啱啱好。值得一提嘅系，桂花珍珠比起一般珍珠更加清甜，而且一样好有嚼劲，真系好值得推介架！