鶴亀 (已結業)

武汉肺炎呢排冇乜出嚟咬人，我都出多咗街， 呢日去尖沙咀揼骨，揼完之后想揾间嘢食， 行吓行吓就嚟咗鹤龟， 差唔多两点， 都仲系咁多人食，我走𠮶阵都过晒lunch time, 但系keep住有人入嚟食， 点解？！ 应该系因为好好食， 又抵食我叫咗樱花虾沾面， 坐低冇耐就拎咗杯水俾我，之后都久唔久过嚟refill, 唔驶叫先嚟~ order完就上饺子， 送嘅~ 唔驶钱嘅嘢系特别好食嘅 不过佢真心都系好食， 皮薄馅靓， 送多两件我都食得落~ 等多阵沾面就嚟喇，个汤铺满咗樱花虾，好香虾味， 𠮶半只蛋系溏心蛋， 又靓又好食， 𠮶块肉又劲香劲有肉味， 真系好好食~ 个面我order淋d, 系我钟意嘅texture, 好食 个沾面汤又唔咸， 味道啱啱好， 我以前食过d汤系好咸嘅， 食完都觉得要洗肾， 但系呢间味道啱啱好， 绝对冇呢个问题， 好好食正所谓隔离饭香，我等食嘅时候，见到有人叫三文鱼扒拉面， 痴线架，块三文鱼扒系你去食西餐咁嘅size嘅三文鱼扒， 再加个面， 真系好大块扒， 都真系几抵食， 唔怪得之keep住有人入嚟食啦~埋单仲有9 折， 真系几抵食~