山頭火 (iSQUARE國際廣場)

营业中

休息中

饿到半死嘅情况之下，行到嚟呢个商场揾食， 间间铺头都好贵，穷Ｌ 终于揾到呢一间食拉面嘅铺头！同日本一样，佢啲拉面餐可以跟白饭， 或者单点一个拉面再配其他小食， 我点咗一个吉列猪扒拉面配面豉汤底， 拉面热辣辣咁放到嚟面前，汤底香浓但不油腻，面条软硬适中，味道同喺日本街头食嘅拉面非常相似！ 由于饿鬼投胎， 用咗五分钟丧食咗半碗拉面先开始食吉列猪扒， 吉列猪扒用少量椰菜花垫底， 所以吉列猪扒嘅底部并无俾油浸到淋晒，炸粉落得刚刚好， 猪扒紧熟丶外皮香脆，系吉列猪扒中嘅上品！成个拉面套餐最可惜嘅地方系欠缺咗日本餐厅通常会提供嘅玄米茶或者黑豆茶， 只系一两蚊嘅成本就可以令餐厅做到完美，店家应该认真考虑！