影片
更多
2024-06-21
2004 浏览
今晚一个人食饭，就喺屋企附近揾吓有啲咩嘢食，红磡德民街系一条几多小店餐厅聚集嘅街道，而见到呢间叫寻福记嘅小店就吸引咗我。餐厅装修好干净，感觉好卫生，门口亦都放咗餐牌可以参考，见到原来呢间餐厅主打食沙茶面同埋牛骨面，亦都有$64嘅套餐，有主食、小食同饮品，而小食方面更加可以拣油菜同好多款小食，啱晒钟意健康嘅朋友👫餐厅座位唔算非常多，但系都坐得好舒服啱晒一个人食或者几个朋友嚟撑枱脚😽我自己一个人咋，我从来都未食过沙茶面，咁就叫咗一个海鲜沙茶面，见到隔篱枱食炸虾饼非常吸引，于是我都叫返个海鲜沙茶面$58 （转乌东）- 内有虾肉羹、鱼肉羮、墨鱼丸、豆卜，我好钟意个汤底啊，沙茶汤底原来系咁惹味，餐厅老板亦都唔孤寒，沙茶面嘅配料非常多，我食咗好多粒好好味嘅虾肉羹同埋鱼肉羹啊🤤🤤仲有墨鱼丸同豆卜，虽然好似系好普通嘅食物，但系加埋落去都好好味。值得一提嘅系个面除咗油面之外仲可以拣乌冬、出前一丁、米粉等等仲唔使加钱嘅添。🫨🫨🫨油菜+$8- 我真系想讲呢个生菜🥬碌得真系啱啱好！仲保持住生菜应有嘅青绿色😬你哋唔好笑我，因为我真系食过黄晒既油菜😵💫香脆炸虾饼$28- 呢个虾饼极度推介！我好钟意佢个炸酱脆卜卜
今晚一个人食饭，就喺屋企附近揾吓有啲咩嘢食，红磡德民街系一条几多小店餐厅聚集嘅街道，而见到呢间叫寻福记嘅小店就吸引咗我。
餐厅装修好干净，感觉好卫生，门口亦都放咗餐牌可以参考，见到原来呢间餐厅主打食沙茶面同埋牛骨面，亦都有$64嘅套餐，有主食、小食同饮品，而小食方面更加可以拣油菜同好多款小食，啱晒钟意健康嘅朋友👫
餐厅座位唔算非常多，但系都坐得好舒服啱晒一个人食或者几个朋友嚟撑枱脚😽
我自己一个人咋，我从来都未食过沙茶面，咁就叫咗一个海鲜沙茶面，见到隔篱枱食炸虾饼非常吸引，于是我都叫返个
海鲜沙茶面$58 （转乌东）
- 内有虾肉羹、鱼肉羮、墨鱼丸、豆卜，我好钟意个汤底啊，沙茶汤底原来系咁惹味，餐厅老板亦都唔孤寒，沙茶面嘅配料非常多，我食咗好多粒好好味嘅虾肉羹同埋鱼肉羹啊🤤🤤仲有墨鱼丸同豆卜，虽然好似系好普通嘅食物，但系加埋落去都好好味。值得一提嘅系个面除咗油面之外仲可以拣乌冬、出前一丁、米粉等等仲唔使加钱嘅添。🫨🫨🫨
油菜+$8
- 我真系想讲呢个生菜🥬碌得真系啱啱好！仲保持住生菜应有嘅青绿色😬你哋唔好笑我，因为我真系食过黄晒既油菜😵💫
香脆炸虾饼$28
- 呢个虾饼极度推介！我好钟意佢个炸酱脆卜卜，真系好好味，你哋一定要试吓😍😍自己喺屋企用气炸锅系整唔到☺️☺️
呢间餐厅虽然规模较细，但系嘢食质素一啲都唔差，服务质素仲好好👍🏻见我一个人食饭都会同我倾吓偈等我冇咁闷😛😛
#香港理工大学 #香港寻福记 #寻福记香港 #厦门沙茶面 #泉州牛肉羹#香港厦门沙茶面 #香港泉州牛肉羹
寻福记 (红磡)
红磡德民街29号德民大厦地下E1号舖
张贴
