尋福記

营业中

休息中

今晚一個人食飯，就喺屋企附近搵吓有啲咩嘢食，紅磡德民街係一條幾多小店餐廳聚集嘅街道，而見到呢間叫尋福記嘅小店就吸引咗我。餐廳裝修好乾淨，感覺好衛生，門口亦都放咗餐牌可以參考，見到原來呢間餐廳主打食沙茶麵同埋牛骨麵，亦都有$64嘅套餐，有主食、小食同飲品，而小食方面更加可以揀油菜同好多款小食，啱晒鍾意健康嘅朋友👫餐廳座位唔算非常多，但係都坐得好舒服啱晒一個人食或者幾個朋友嚟撐枱腳😽我自己一個人咋，我從來都未食過沙茶麵，咁就叫咗一個海鮮沙茶麵，見到隔籬枱食炸蝦餅非常吸引，於是我都叫返個海鮮沙茶麵$58 （轉烏東）- 內有蝦肉羹、魚肉羮、墨魚丸、豆卜，我好鍾意個湯底啊，沙茶湯底原來係咁惹味，餐廳老闆亦都唔孤寒，沙茶麵嘅配料非常多，我食咗好多粒好好味嘅蝦肉羹同埋魚肉羹啊🤤🤤仲有墨魚丸同豆卜，雖然好似係好普通嘅食物，但係加埋落去都好好味。值得一提嘅係個麵除咗油面之外仲可以揀烏冬、出前一丁、米粉等等仲唔使加錢嘅添。🫨🫨🫨油菜+$8- 我真係想講呢個生菜🥬碌得真係啱啱好！仲保持住生菜應有嘅青綠色😬你哋唔好笑我，因為我真係食過黃晒既油菜😵‍💫香脆炸蝦餅$28- 呢個蝦餅極度推介！我好鍾意佢個炸醬脆卜卜

上星期六(2/11)嚟，但舖頭休息，專登嚟到但摸門釘。尋日(6/11)晏就想嚟食lunch，但中午12：30已經要排隊，由於舖頭太細，企門口望唔到入面有幾多個位，又怕等太耐，於是今日再嚟過。今日(7/11) 12：24到咗，比尋日早咗6分鐘，終於唔洗等位，第一次入到嚟先發覺堂食只有10個位。睇咗陣餐牌，決定揀全日套餐$64，以下係揀咗既A+B+C。A 精選沙茶麵 麵有微辣，表面有一層辣油，麵底係油麵，有豬肉丸條(3條)、蝦餅(3塊)、魚丸(好似係2粒)、豆卜(3粒)，好多丸類，幾好味，有嚼頭，口感不錯，沙茶麵底唔會過辣，但花生味唔太覺有。B 自製五香卷福建春卷，香脆料足，一整條炸好再切件，餡係豬肉碎同馬蹄為主，仲有少少䓤粒，覺得唔點醬都好味。C 自家製凍奶茶唔甜，夠滑，但茶味不足，如果茶味濃返啲會好啲。整體來說，呢餐幾好味，下次會再嚟食，想試凍咖啡

隱世閩南菜 小店 門面細細 入面座位不多 但坐得舒服沙茶麵好正好多餸 個湯即煮 好香 性價比之選沙嗲牛肉麵麵好多牛肉 湯底好香濃 足料最緊要老闆好好人又有禮貌 價錢好抵 有小食有野飲誠意推介支持小店

在黄埔看到闽南味沙茶面，抱着试一试的心态来的，没想到味道超棒店铺在小巷子里，不过也很好找，离黄埔地铁站很近。有套餐，还是很划算的。我们点了精选沙茶面，牛肉沙茶面，菜粿，虾饼。最惊艳的是汤底，超浓郁的沙茶香，带一点点辣，非常棒。牛肉超好吃，是新鲜的牛肉，不是那种冻的肥肉。而且老板还微微炒过，更香了。猪肉丸和菜粿也很推荐，猪肉丸很紧实，不是那种面粉丸子，能吃出满满的猪肉香。菜粿是外酥里嫩的，配上闽南甜辣酱，好吃😋。

嚟紅磡探朋友，佢推薦我嚟食沙茶麵。閔南菜我都係第一次試。睇餐牌見到主打都係沙茶都同牛骨湯麵。今次一預試吓招牌沙茶麵$68（魷魚、蝦球、螺片、豆卜、滷蛋）。我係好辣之人，店主仲好好幫我特別調整辣度。佢地嘅秘製辣醬夠味得嚟又唔會遮咗個沙茶湯底嘅味道。個麵果然配菜份量十足，用料新鮮。蝦球同魷魚爽口彈牙，豆卜吸晒湯嘅精華，亦都值得一讚。另外加咗時菜同一個香脆墨魚丸（$20）墨魚丸口感彈牙，入面有墨魚粒。而最外層炸到脆卜卜，一片薄薄嘅炸衣包住，十分香口。

黃埔站A出口隔離有間福建菜，見到主打沙茶麵同牛骨湯麵都非常吸引。正宗閔南菜香港真係好少有。價錢都十分親民，$64全日套餐有麵、小食加飲品。我今次就試咗牛骨湯麵$78. 講吓味道先，全家福牛麵都好多配料，有牛肉棗，牛丸，牛肚，牛筋，牛展。用牛骨淆嘅湯底牛味濃稠，但清而不膩。牛丸彈牙、牛展大大件唔韌、牛筋炆得夠淋。麵底可以任意選擇，米粉、米線、烏冬、出前一丁或菜底。感覺上湯底同餸都好足料，呢個價錢係物有所值。👍🏼呢度嘅香脆小食都好吸引。香脆五香卷聽講都好出名，可惜今晚賣晒，下次再試。

看蘇打綠之前在黃埔覓食 聞著味找到了這家!!就在地鐵站附近!!為什麼我還在理工的時候它沒開它家有牛肉羹 哪個閩南人懂 是演唱會期間嘴裡還有熟悉的味道招牌沙茶面 68魷魚|蝦球|螺片|豆腐|鹵蛋料很足 滿滿海鮮 沙茶醬也很濃郁 就是我沒在福建吃過沒法對比全家福牛肉面78 牛肉羹|牛丸|牛肚|牛筋|牛展 全牛宴 湯是牛骨湯熬出來的拳頭母菜果雙拼 35 做夢都想吃的菜果在這吃到了 沒吃過閩南菜的 強推

近半年新開嘅閩南菜餐廳。舖頭位置細細，店裏客人唔多，但係見到佢哋有源源不絕嘅外賣訂單。⭐️ 全家福牛麵 $78嚟到必食！入面有牛肉羹、牛丸、牛肚、牛筋及牛腱。足料👍🏽一講起牛肉麵，就會諗起一般港式車仔麵嗰隻牛腩麵🤔。但係依一間嘅牛麵，同港式嘅牛腩麵或者台式嘅偏濃味嘅牛肉麵唔同，佢嘅湯底偏清新、仲有少少會回甘嘅味道🤤。佢嘅湯底係慢慢道出牛肉嘅鮮味🤍，食到應該落咗少少藥材有少少當歸、枸杞、紅棗嘅味道🙆‍♀️🙆‍♀️。幾特別。自己食牛肉麵會擔心味道會太濃，但係依一間嘅牛麵就偏向清新，飲落去都冇負擔😄😄。嗌咗米粉，就算啲米粉吸晒牛肉湯嘅鮮味，都冇覺得好Heavy。整體感覺幾清爽，唔錯😆。欣賞佢清新、清淡得來，仍然食到牛肉本身嘅嗰種鮮味。佢嘅配料亦都唔馬虎。牛丸、牛肚、牛筋同牛腱，每一個部份都切得好大件。入味、牛味重、軟腍適中，好出色🤩。⭐️ 招牌沙茶麵 $68超多餸，有魷魚、蝦球、螺片、豆卜及滷蛋。一上枱就聞到濃濃嘅沙茶味。杰杰的湯底，轉咗出前一丁麵底，更加掛汁😎😎。配菜份量好多，每個都係大大份，好有咬口、彈牙。特別鍾意佢嘅魷魚💛💛。佢嘅長度仲長過我四隻手指之外，咬落去好彈牙，魷魚味出。螺片亦都唔細片

有次同朋友行經紅磡，呢間隱世小店藏喺巷仔內，問老闆先知原來開左3個月度咋！內裡裝修好新好乾淨。首先我地點左招牌沙茶麵。佢嘅湯底好香濃，特別係沙茶醬嘅味道更加突出。麵條彈牙有嚼勁，配上豆卜、魷魚、蝦球、螺片同滷蛋，全部都好夠味，味道更加豐富。每一口都可以感受到不同嘅口感同層次，真係令人回味無窮。同埋佢地嘅辣汁自家製，我點左中辣真係好夠辣，仲好香，大推！另外一款牛肉麵就係全家福牛肉麵。佢嘅湯底濃郁，老闆話佢地堅持唔落味精，我地試完都覺得應該係味精，因為唔會好口渴口乾，內裡好豐富，有牛肉羹、牛丸、牛肚、牛筋同牛展都煮得好軟好入味，牛肉嘅鮮甜味道真係令人驚艷。每一口牛肉都好嫩滑，加埋彈牙嘅牛筋同牛丸，食落真係好有嚼感。呢碗牛肉麵真係好滿足嘅一餐。最後一樣係香酥茶粿。茶粿外皮炸得金黃香脆，一咬落去有脆脆嘅口感同香酥嘅味道。入面嘅茶葉味道濃郁，同埋有微微嘅甜味，令人難以忘懷。

位於黃埔德民街的「尋福記」，小小店舖，主打福建美食，個人推介以下幾款：🌟招牌沙茶麵:材料有魷魚、蝦球、螺片、豆卜、滷蛋，十分豐富，麵條彈牙爽口，而微辣惹味的沙茶醬湯底非常香濃，好味道！🌟五香雜錦飯：以瑤柱、蝦米、豚肉、香菇做材料，真的香口而且非常受歡迎，當日晚上七時許已經售罄～🌟牛肉羹湯：泉州牛肉羹，不含味精，有藥膳風味，真的非常出色。🌟香脆拳頭母+墨魚丸雙拼：特色小食，一點也不肥膩，配上店舖的甜辣醬，好夾。

尋福記 (17/1/2024)今天同朋友去紅磡黃埔花園行街後就去搵嘢食，我朋友鐘意食湯麵，就介紹我去附近一間食麵店，這間麵店在一條小巷內名為尋福記，個店名好令人有福氣，店舖以綠色為主，舖內滿綠色方塊磚，座位數目不多只有三張二人枱，這間食店食品都好受歡迎，不停有人出入，其中有很多人來外賣，店舖雖然細細間，但個裝潢非常有風格，好有香港懷舊情懷，還有店員服務一流很用心介紹食品。我朋友就叫招牌沙茶麵，佢話有好多食材好足料，有魷魚、蝦球、螺片、豆卜同滷水蛋，加起來都超過十件，魷魚彈牙爽滑，蝦頭大隻爽口，螺片博身爽脆，豆卜入晒沙茶味，滷水蛋煮得很入味，湯底沙茶味濃而不渴，亦不太辣不油膩，非常惹味，油麵煮得剛剛好，有著適中的彈性，也十分掛湯。佢亦加埋套餐，有蠔油唐生菜及飲品，食湯麵加碟菜令人感到滿足。而店員就介紹我吃全家福牛麵，佢話個湯底係用牛骨同當歸，還有十多種材料熬製而成，冇落味精，好有藥膳風味。我好喜歡飲湯，所以即試飲，我飲後真係覺得啲湯清得黎有種淡淡藥材既香味，真係好正。麵食當中包含咗五種餸，有牛肉羮、牛筋、牛肚、牛展、牛丸，每樣都有幾件，成碗麵都好大碗，感覺滿足，牛肉羹好有肉味，牛筋非常爽

黃埔真係好多野食，今日晚餐去食尋福記，主打粉面。 叫左招牌沙茶面，有魷魚，蝦球，螺片，豆卜同埋滷蛋。一上到台，係好香，聞到好濃既沙茶味，油面亦都好掛湯汁。食面前飲左啖湯，十分香濃，顏色偏深褐，簡左BB辣，所以辣味較輕，對我黎講岩岩好。魷魚真係好配沙茶湯底!! 蝦球比我想像中大同埋彈牙! 滷蛋原來入面係流心蛋，好食! 全家福牛面好大碗，咩都有D，有牛丸，牛肚，牛筋，牛展等等，好足料，湯底又係好濃郁，有少少藥材湯既味咁濃! 另外，必食推介係香脆五香卷，外皮好香脆，入面肉餡都好夠味。墨魚丸都相對唔錯架。而且價錢都好相宜，好抵食! #香港尋福記 #廈門沙茶麵 #泉州牛肉羹

黃埔附近有好多隱細小店，今日比我揾到間食正宗廈門沙茶麵同泉州牛肉羹嘅「尋福記」，除咗沙茶麵之外，仲有多款特色廈門小食，味道正宗價錢又抵食👍🏻招牌沙茶麵必食推介👍🏻食材豐富，有魷魚、蝦球、螺片、豆卜同糖心蛋，湯底味道辣辣地加入麻醬同炸蒜，零舍香口惹味，魷魚螺片口感爽脆，蝦球新鮮爽口彈牙，豆卜吸滿濃稠嘅湯汁非常好食，煎到微微燶邊嘅糖心蛋，食之前將蛋黃篤穿，蛋黃汁與湯底互相融合，配上油麵掛滿湯汁，正宗廈門嘅味道👍🏻全家福牛麵朋友仔嗌嘅全家福牛麵，全部都係牛牛牛🐮牛肉羹、牛丸、牛肚、牛筋同牛展，朋友仔每人配料都分咗一舊比我試下，牛肉羹食落啖啖肉，牛丸彈牙爆汁，牛肚爽滑，牛筋煙煙韌韌，牛展有嚼勁，樣樣食材都好高質，配以腩汁湯底加上掛湯嘅油麵，超讚香脆五香卷推介👍🏻我都係第一次食廈門小食，酥脆嘅腐皮包裹豬肉、荸薺同香蔥，口感非常豐富，點上辣醬惹味又香口香酥菜粿老闆仲介紹我地食菜粿，即係泉州蘿蔔糕😆蘿蔔糕切粒再炸，外面金黃色，裡面軟軟腍腍，再配上辣椒醬，一粒接一粒食唔停口😋📍尋福記 (紅磡)紅磡德民街29號德民大廈地下E1號舖人均消費：$100食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️

48蚊既精選沙茶麵外賣估唔到會用錫袋分湯拎完番屋企仲係十分熱辣辣而且亦包含4款餸並且份量不少雖然店家本身推薦牛骨湯麵 話係用藥饍 牛骨等材料長時間熬製並無添加味精但我亦都揀自己比較有興趣既沙茶麵呢次之後我都對佢推薦既牛骨湯麵有興趣老實講呢個價呢個質素真係難能可貴希望可以保持落去同埋營運到

餐廳位置幾近黃埔地鐵站店舖空間比較細 3張2人枱當晚有唔少食客買外賣每款招牌菜都有張poster貼出黎介紹招牌廈門沙茶麵 $68魷魚、蝦球、螺片、豆卜、滷蛋海鮮款多之外 數量都唔少每款海鮮有2-4件 爽口彈牙豆卜吸晒湯底 同沙茶醬幾夾揀左烏冬 偏林身麵底仲有米粉 米線 出前一丁 菜底 免費轉冇特別要求既話 湯底default少少辣套餐加$12蠔油生菜加一罐裝汽水蠔油可以另上原本想試佢地另一個招牌菜 五香什錦飯不過當日已經賣晒所以叫左有差唔多配料既 秘醬什錦炒麵 $58肉粿、瑤柱、蝦米、豚肉、香菇肉粿類似午餐肉好似食唔到瑤柱？！蝦米大大粒炒油麵唔會過林或者過硬雙拼香脆小食香脆五香卷 $25 炸腐皮包住豬肉同馬蹄幾特別香酥菜粿 $20好似蘿蔔糕既東西