影片
更多
2019-04-13
90 浏览
礼拜五放咗工，辛苦个礼拜，同一个同事打算去到尖沙咀一间几多人食过话好正嘅西餐厅食翻餐劲嘅。呢间西餐厅其实系以食蚝出名，仲有其他好新鲜嘅时令海鲜供选择，对于我呢啲极中意食刺身嘅人黎讲真系留晒口水。呢间餐厅好似有两间分店，我去果间位置真系偏僻咗少少，唔系开系人流比较旺嘅地方，系巷仔入面，可能真系要资深食客先至揾到。我地就梗系唔会放过海鲜喇，叫咗一个海鲜拼盘，龙虾炒蛋同鹅肝芝士意粉。餐厅嘅服务好好，服务员都好耐心咁，根据我地嘅喜好，推介唔同嘅蚝比我地。首先就系个主角，海鲜拼盘，都系刺身形式，有四款蚝，每款两只，仲有地中海红虾，深海龙虾仔，北海道带子同赤贝，仲有一板马粪海胆。呢到有样好抵赞，就系佢会根据食材味道嘅浓淡程度，去按顺序排好比顾客。我地首先食嘅三款蚝，第四款号系蚝王Belon，摆次系最未先食。按顺序系Honey Point, Majestics, Gillardeau。啲生蚝真系好正，Honey Point虽然细细只，但系蚝嘅鲜味系最突出嘅，好有矿物质味道，跟住就系Majestics,，大只啲，肉质比较creamy，极之鲜甜，尤其系个带子位，最后就系Gillardeau，够晒肥美，
呢间餐厅好似有两间分店，我去果间位置真系偏僻咗少少，唔系开系人流比较旺嘅地方，系巷仔入面，可能真系要资深食客先至揾到。
我地就梗系唔会放过海鲜喇，叫咗一个海鲜拼盘，龙虾炒蛋同鹅肝芝士意粉。餐厅嘅服务好好，服务员都好耐心咁，根据我地嘅喜好，推介唔同嘅蚝比我地。
首先就系个主角，海鲜拼盘，都系刺身形式，有四款蚝，每款两只，仲有地中海红虾，深海龙虾仔，北海道带子同赤贝，仲有一板马粪海胆。呢到有样好抵赞，就系佢会根据食材味道嘅浓淡程度，去按顺序排好比顾客。我地首先食嘅三款蚝，第四款号系蚝王Belon，摆次系最未先食。按顺序系Honey Point, Majestics, Gillardeau。啲生蚝真系好正，Honey Point虽然细细只，但系蚝嘅鲜味系最突出嘅，好有矿物质味道，跟住就系Majestics,，大只啲，肉质比较creamy，极之鲜甜，尤其系个带子位，最后就系Gillardeau，够晒肥美，虽然蚝味唔会太浓，但肉质清爽，味道清甜，我都几中意。三款生蚝各有特色，都好好味。跟住就食带子同赤贝，虽然唔会话好似生蚝咁惊艳，但都食得出比起市面上嘅新鲜好多，好鲜甜。跟住再食红虾同龙虾仔，讲真红虾个味道真系吓亲我，我从来未食过虾嘅刺身会好似红虾唔走咁，虾味极之浓，肉质爽口，又够晒大只，成只摆晒落口好满足；另外个只龙虾仔亦都好好食，虽然话唔会似红虾虾味咁浓，但系更加鲜甜，肉质就系有小小黏口嘅感觉，系完全另一嘅方向嘅好食。我地食埋都几掂嘅海胆，跟住就试蚝王belon喇，都有小小期待，唔系成日有，价钱又系最贵嘅，食完之后我终于明白佢点解系蚝王。Belon有啲海水味，蚝味系极为浓烈，后劲好足，算系重口味，味道好霸道，食完有点回甘，果阵蚝味仲一直留系喉咙顶同舌头最末端嘅地方，一食完，成个口腔之前残留嘅食物气味全部无晒，只得Belon嘅蚝味，饮水都冲唔走，蚝王果然名不虚传。
食新鲜嘅海鲜之后，系时候食熟野，龙虾炒蛋整得好有水准，蛋炒得够滑嫩，仲有少少蛋汁，估唔到龙虾同蛋原来原来咁夹，龙虾鲜甜浓郁嘅龙虾味，令炒蛋食起身都有滋味，再加上有细细粒嘅洋葱系到调味，鲜甜味更浓，层次更丰富，而且龙虾肉都够多，几乎可以啖啖炒蛋，都有一细旧龙虾，食起身好过瘾好满足。最后就系鹅肝意粉，其实讲句真话，唔洗鹅肝已经够晒好味，芝士个味道已经好够晒浓郁香口，再加上鹅肝就真系完全无得弹，鹅肝嘅油分渗出来，同埋意粉一齐食，香味提升到另一个层次，真系超正。
我同同事食完都捧住个肚，都大赞好好味 。呢间以食蚝为主嘅餐厅真系好推荐大家黎，出品一流，食材新鲜，最紧要嘅系，据我了解，其实呢到食呢啲级数嘅生蚝同红虾等海鲜已经比出面其他同类嘅餐厅，价钱已经平咗，真系又好味又实惠，中意食刺身嘅朋友，真系好推荐你不妨系尖沙咀揾一揾呢间餐厅试下，包你食完都话正😃😃😃。
张贴
