屯の大阪章魚燒 (已結業)

今日同朋友去咗屯门行山，我返嚟嘅时候就想试吓屯门好味嘅小食，于是就去咗红桥附近揾好嘢食～呢间章鱼烧主打大阪章鱼烧，即系冇脆皮、唔似平时食开筑地章鱼烧咁，但系喺网上面都非常出名，好似话成日都有人排队咁难得嚟到一定要过嚟试吓啦！我同朋友叫咗个明太子章鱼烧，要等大概10分钟系等嘅时候，见到佢一粒粒咁整，真系好吸引啊！系等嘅时候，都一直不断有人嚟买，证明网上嘅传言系真㗎！等左10分钟之后，佢就送到黎我手上啦～虽然我影咗好耐相，但系𠮶四粒章鱼烧都系胀卜卜，唔会好似大阪𠮶啲塌晒落去！车落去虽然冇脆皮，但系系好滑嘅粉团，而且章鱼俾得好足料㗎！真系好好味！虽然啲人话如果钟意食脆皮嘅章鱼烧，就唔会想食呢种大阪章鱼烧，但系我都会极力推荐大家去试一试，因为真系好好味架！