大雞食堂

营业中

休息中

搬咗屋之后要喺港岛区揾唔同嘅美食，我同阿妹一东一南，铜锣湾区系我哋嘅中间点，今次就嚟咗大鸡食堂食出名嘅葱油鸡扒。阿妹叫咗 #招牌葱油鸡扒饭 ，超多嘅葱油，配埋热辣辣脆卜卜嘅煎鸡扒，鸡皮之下嘅鸡肉都好滑好嫩。脆卜卜嘅皮一定要趁热食。而我系猪颈肉爱好者，梗系要食 #葱油烧慢煮猪颈肉捞丁。猪颈肉细细片上，配埋葱油都几好，食捞丁都一样好够饱！午餐包饮品，我哋就叫咗 #冻奶茶 & #冻柠茶，都可以加钱转特饮。餐厅座位有限，午市时间爆场，大家想食就要早啲去攞位啦！门外好大块招牌，你应该唔会睇漏眼！总结：午市有好多个选择，下次一定要再试其他食物先得，由其系饮珍珠奶茶。