鰻の成瀬

营业中

休息中

喺日本食过好好味鳗鱼饭之后成日都想去香港食，朋友话我知香港原来开咗呢一间喺日本有成二百几间分店嘅鳗鱼饭专门店，喺中环街市同铜锣湾崇光百货都有分店，今晚我哋就外卖返屋企食！ 舖头有唔同嘅套餐，视乎返你想要嘅鳗鱼同饭份量多定少，另外仲有玉子烧，饭团，日本樽装汽水等。鳗鱼饭(梅)师傅已经将所有骨都清除晒，可以安心咁样食，鳗鱼肉质幼滑，外皮烧到焦香，有一种烟熏味道，饭用咗日本珍珠米，香甜软糯，配上鳗鱼汁一齐食简直一流。玉子烧大大件嘅玉子烧，鸡蛋味道香浓，色泽金黄，入口软绵。我仲叫咗半匹鳗鱼，谂住第二日自己喺屋企整鳗鱼炒蛋同埋鳗鱼炒饭。绿茶可乐绿茶味甘香，味道非常特别，绿茶迷嘅我非常喜欢。