影片
更多
2021-11-26
1074 浏览
第一次食中东菜系去湾仔𠮶间「Francis」，食咗佢哋个tasting menu (呢间我好似冇出过post) ，印象中中东菜只有鹰嘴豆同埋酸乳酪😆 今次经朋友介绍下去食呢间 “Acme”，食完之后对中东菜有点改观。可能呢间嘅菜式卖相够吸引之余味道亦不错。餐厅面积不算大，一进入餐厅就会俾张大吧枱吸引住。望真啲原来系开放式厨房及酒吧，两个部份连在一起，坐吧枱嘅食客就有机会睇到调酒师/厨师们各自大显身手。店内亦有少量卡位，座位都算宽躺。有一张枱嘅大小应该足够最多6人嘅聚餐。如果想坐嘅话订位时要注明。食物选择当然唔少得中东菜传统食物鹰嘴豆泥。如果叫鹰嘴豆泥嘅话就建议叫埋店家出名嘅sourdough flatbread。Sourdough flatbread 即叫即焗，上枱时仲冒著烟，撕开个面包时仲多烟冒出嚟呀。趁呢个时候将啲鹰嘴豆泥放入面包里面就最啱喇。唔系话就咁食鹰嘴豆泥唔好味，而系觉得加埋面包一齐嘢惹味啲啫。本身唔太好牛脷嘅我，发觉呢间嘅烩牛脷煮得几入味。牛脷上面放咗啲炸洋葱丝，为呢道菜添了份口感。▫️Ox Tongue Hummus (HKD180)▫️Sourdough Flatbrea
餐厅面积不算大，一进入餐厅就会俾张大吧枱吸引住。望真啲原来系开放式厨房及酒吧，两个部份连在一起，坐吧枱嘅食客就有机会睇到调酒师/厨师们各自大显身手。店内亦有少量卡位，座位都算宽躺。有一张枱嘅大小应该足够最多6人嘅聚餐。如果想坐嘅话订位时要注明。
食物选择当然唔少得中东菜传统食物鹰嘴豆泥。如果叫鹰嘴豆泥嘅话就建议叫埋店家出名嘅sourdough flatbread。Sourdough flatbread 即叫即焗，上枱时仲冒著烟，撕开个面包时仲多烟冒出嚟呀。趁呢个时候将啲鹰嘴豆泥放入面包里面就最啱喇。唔系话就咁食鹰嘴豆泥唔好味，而系觉得加埋面包一齐嘢惹味啲啫。本身唔太好牛脷嘅我，发觉呢间嘅烩牛脷煮得几入味。牛脷上面放咗啲炸洋葱丝，为呢道菜添了份口感。
▫️Ox Tongue Hummus (HKD180)
▫️Sourdough Flatbread (HKD30/pc)
另外叫咗三个菜式同埋一个甜品👇🏻
▫️Mussel Toast (HKD200) - 呢个菜式卖相同味道都有惊喜。 多士做法相当精致；我哋睇住厨师由整面包到放青口上去再铺上高级鱼子酱，每一个步骤都小心翼翼。连紫薯片嘅摆位都好好着重，绝对值得系相机食先嘅📸😂
▫️Charred corn on Cob (HKD80) - 呢个烧粟米好似每一枱必点嘅食物，店员会将原条焗好后嘅粟米切半，食嘅时候冇咁狼狈。上面洒咗啲芝士碎配粟米一齐食更好味。
▫️Deep Fried Halloumi (HKD110) - 中东菜除咗鹰嘴豆泥，芝士系另一款常见嘅食物。呢款芝士经过油炸后，无论外貌同口感都几似炸豆腐。配芝士嘅酱汁味道系辣㗎，唔食辣嘅人可以skip 咗佢。
▫️Turmeric Corn Brûlée (HKD105) - 店员推介我哋食呢个甜品嘅。佢话味道冇cream brûlée 咁甜。事实佢系冇讲错嘅，仲有阵阵嘅粟米香味。
⭐️逢星期日、一休息
⭐️餐厅座位唔算多，建议先订位才前往
Mussel Toast
13 浏览
0 赞好
0 留言
Deep Fried Halloumi
19 浏览
0 赞好
0 留言
Ox Tongue Hummus
18 浏览
0 赞好
0 留言
Sourdough Flatbread
9 浏览
0 赞好
0 留言
张贴
