燒洒一族 (啟田商場) (已結業)

-🔸酒醉鸡卷 $38🔸香草法式烧春鸡 $65/只🔸香甜蜜味烤鸡髀 $38/2只🔸惹味香辣烤鸡髀 $38/2只🔸慢煮酱烤猪肋骨（大） $58-放假懒得煮饭，一于去斩料做𩠌！依间烧洒一族朋友介绍，话有几间分店，除咗普通烧味之外仲有酒醉系列，咁多选择就可以一次过买定几餐食嘅𩠌𠻹！酒醉鸡卷非常入味，稍微雪冻少少，再淋上另外附送嘅醉鸡汁，夏日必食啊！烧春鸡性价比高，皮薄多肉，用香草烧得有少少㶶边好香口。有两款口味嘅烤鸡髀一于试晒佢，用嚟第二日做𩠌，焗返热煮个面就食得超方便，鸡髀大大只切件，份量都好多啊，色泽均匀，返热味道都好味～最后试埋猪肋骨，都几多肉可以食，唔会得棚骨，酱烤比较似美式混合港式叉烧嘅风味。