燒洒一族 (啟田商場)

营业中

休息中

早幾日收工經過藍田街市，行下見到呢間外賣店，主力就係買燒味燒排骨，燒春雞等等。咁我自己個食又唔需要加餸所以就叫咗一個燒春雞飯。價錢都非常之便宜，大約35蚊至到40蚊左右。之後佢有兩款執畀我揀一個黑椒汁同埋洋蔥汁，咁我就揀咗黑椒汁。首先講下個燒春雞先，佢喺畀呢個外賣我之前佢會返熱個燒春雞，食嘅時候覺得個燒春雞就非常之嫩滑而且佢非常之入味，有啲百裡香嘅味道，搭埋個黑椒汁去食就幾夾嘅，但失色嘅位就係佢啲飯度，啲飯一舊舊而且落得太多水去煲，所以有少少濕。但整體嚟講三三四十蚊有咁嘅質素算係咁

試試燒洒一族酒醉系列 好適合返屋企加餸 一開食得超方便 佢哋都幾多分店（馬鞍山/藍田/大圍/南昌/樂富/大埔）都有分店 仲出左麻辣新品 簡單記錄下.佢地花雕酒醉系列有好多款 每款都十分入味 充滿酒香當中 最鐘意 ⭐️薰蹄$45👍🏻薰蹄外皮煙韌保持爽彈 必食⭐️溏心蛋$30👍🏻溏心蛋 蛋黃濃稠 大概8成熟 仲有小小溏心feel⭐️豬手粒$45👍🏻比較大罐 豬皮同樣做到爽彈而最重要係佢地嘅花雕汁 有少少杞子😋酒香濃郁 唔會太重藥材味 甜度適中唔錯.買來擺喺雪櫃做零食或者加餸都唔錯望番樽底 食用期限 大概可以擺半個月至一個月.#hkfunfoodrecord窮遊香港#hkfunfoodrecord_藍田.#燒洒一族 (啟田商場) (藍田)地址：藍田啟田道50號啟田商場地下啟田市場.⭐️評分：味道：4/5環境：-/5服務：-/5抵食：3.5/5..#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #香港美食 #

燒味應該是港人的日常美食。在喜慶日子，市民會買燒味去拜神；在閑時，燒味就是斬料加餸的不二之選。一入啟田街市（藍田），我就看到別出心裁的燒味鋪。店鋪有一個玻璃展示櫃，擺放著添加了各種西式食材燒味，並烤焗方式烹煮。冷櫃內有”酒醉”系列，款式甚多，例如雞卷、 雞軟骨、溏心蛋等等食物價錢低，又大份，餸酒餸飯都一流。🇩🇪德式燒豬手 HKD88 (大)豬手大大隻，色澤金黃。落單後，店員會幫你將豬手起肉，再將豬手排整齊放盒。熱時燒豬的豬皮色澤金黃、脆卜卜、肉嫩味香。放到晚上🤣，豬皮沒有變淋反而有點韌。忽然我覺得要豬手配啤酒更一流，更合適🤣。餐廳有附送蜂蜜芥末酱，可以蘸一蘸。🐖 酒醉薰蹄 $45❤️（推介）我叫了其中一款‘’酒醉”系列，因為是最出名、最多人買❤️。薰蹄放入易拉罐，不用即日食，可以雪藏幾天再食。燻蹄有好香花雕酒味🍷，但不會太濃。它的份量都幾多，約有一碗半🍵。法式香草燒🐔春雞 $65原本想試其他味，但賣曬🤣。平時多數在西餐廳食，味道差不到，但就平一般。燒雞燒得剛剛剛好，皮香內嫩。肉質嫩滑不乾，啖啖都是肉。

早幾日經過藍田街市，見到豬手新鮮出爐，咁就買咗一隻返屋企食，返到屋企都仲熱熱地，咁就即刻開嚟食，啲皮係好脆，肉質都ok，但係食多兩嚿，真係覺得超級無敵勁鹹，鹹到不得了最後為咗身體著想，真係唔敢食食完之後真係好口渴，真係冇必要整到咁鹹呢！

大大份豬手、豬肋骨「燒」味飯通通$𝟹𝟻 ⚠︎︎⚠︎︎⚠︎︎ 晚上不想捱貴價吃晚飯？在家又不想煮，學我買外賣啦(⁎⁍̴̛ᴗ⁍̴̛⁎) 西式燒味超豐富又大份但價錢超划算～～餐牌 德式燒豬手 $𝟡𝟠(特大) 特大豬手果然份量驚人❤︎︎ 皮超脆!⃞ 豬手以瘦肉為主而且很嫩，超合我口味，再沾芥末，很開胃，吃很多塊啦(*¯︶¯*) 慢煮醬烤豬肋骨 $𝟞𝟠(大)豬肋骨的醬汁很惹味，帶點玫瑰露香氣，甜甜的很入味， 豬肋骨不會沒肉吃，同樣出色。 燒春雞飯 $𝟛𝟝燒味飯一律$𝟛𝟝，便宜得驚人！因為份量絕對不少，眼看有1/4雞，很多件，雞皮薄，雞肉滑，加了香料令味道更豐富。這一家燒味店絕對有驚喜喔❣︎

屋企平時食飯有時諗唔到煮咩餸，就會去斬料。今次試吓呢間位於藍田街市既西式燒味。食物款式都幾多，除咗斬料，仲有燒味飯同埋酒醉系列，價錢都幾親民。香甜蜜味燒雞髀雞髀大大隻，店員可以幫忙切件，色澤好靚，雞肉肉質幾滑，食到甜甜地既蜜汁， 都幾入味。黑糖烤豬頸肉烤得好靚，帶有油光，豬頸肉爽滑彈牙，外皮帶少少焦香，仲食到淡淡嘅黑糖甜味，唔錯。自家製燒腩仔份量都幾多，每件都斬得厚薄適中，肉質夠腍，外皮香脆，味道夠晒鹹香，送飯一流。蜜糖黑椒煙鴨胸鴨胸厚厚一塊，肉質軟嫩，鴨胸外皮爽彈唔油膩，甜甜地配上黑椒少少辣，幾惹味。傳統烤德式香腸香腸大大條，腸衣脆口，肉質結實，啖啖肉， 肉味香濃。

燒洒一族喺藍田街市入邊，呢間港式燒味都有好多唔同嘅種類，有豬肋骨烤雞豬手，今次就買咗三樣嘢返屋企加餸，味道好唔錯，好高性價比又唔貴！🍴酒醉熏蹄 $45 (8/10)花雕酒味都幾香，酒味好出！燻蹄嘅皮好爽口度，肉質比較紮實！🍴 慢煮美式豬肋骨 大 $68 (7.5/10)豬肋骨比較似港式叉燒嘅味道，肉嘅份量都幾多，肉質都紮實有咬口。🍴 德式燒豬手 大 $88 (8/10)豬手都幾幾大隻，幾鹹香，個皮都好香脆，一啲都唔油膩，肉質唔會鞋口，有煙燻嘅香味，好好食！推薦指數: 8/10真心呢間嘅燒味幾好食，又唔貴，買返屋企加送就係一樓啊，除此之外仲有啲套餐啊同埋飯盒都真係好抵食！

雖然我已經好忙，但係都要少少時間寫呢個食評，因為女店員態度有問題。話說我有事務需要同個女去藍田一轉，臨走時問個女食乜嘢午餐，佢搵openrice發現有這間燒味店，可以買返屋企食。我女滿心期待搵到入街市，終於發現呢間鋪，佢期望食雞扒同埋雞比。結果店員就話冇雞扒賣，但又唔將餐牌刪去。突然間話冇雞扒賣就唯有諗住食其他啦，我發現女店員個態度好唔耐煩，(當時未有其他客人)，佢態度話比我聽我好似好唔知佢哋個程序，唔識得叫嘢食噉，又可能我個樣唔似街坊，直情想唔做我生意噉嘅態度。結果我嗌咗個奀豬豬豬肋飯，兩隻髀，打包完畀我之後，幾乎好似想掉畀我噉。我唔評論佢食物質素，其實都不外如是。做生意對客人態度好緊要，佢可能唔知客人係特登嚟搵佢。我之後唔會嚟。

阿媽偷懶唔想煮飯去咗街市買燒味❤️ 平時食開佢哋 @grillmanhk嘅燒肉都覺得唔錯 今次全餐都係佢哋出品就順便出個𝗽𝗼𝘀𝘁介紹吓🤣 一𝘀𝗲𝗮𝗿𝗰𝗵之下先發覺原來佢哋港有8間分店！ .📍德式燒豬手（$98/特大；$88/大） 𝗚𝗲𝗿𝗺𝗲𝗻 𝗦𝘁𝘆𝗹𝗲 𝗣𝗼𝗿𝗸 𝗞𝗻𝘂𝗰𝗸𝗹𝗲 特大豬手份量真係好多🐷賣相好吸引 外皮香脆，肉質唔會過硬又有鹹香🐖 食起嚟唔會太油膩，真係幾好食，唔怪得係招牌❤️‍🔥 .📍黑糖烤豬頸肉($48） 𝗕𝗮𝗿𝗯𝗲𝗰𝘂𝗲𝗱 𝗣𝗼𝗿𝗸 𝗝𝗼𝘄𝗹 𝘄𝗶𝘁𝗵 𝗕𝗿𝗼𝘄𝗻 𝗦𝘂𝗴𝗮𝗿 肉質軟腍油潤而且蜜糖味好香🍯幾好食！ .📍自家製燒腩仔飯($32) 𝗥𝗼𝗮𝘀𝘁𝗲𝗱 𝗣𝗼𝗿𝗸 𝗕𝗲𝗹𝗹𝘆 𝗥𝗶𝗰𝗲 燒腩仔醃得勁入味，肉香軟滑係真正嘅半肥瘦🐖 一盒有成10件，唯一有啲可惜嘅係個皮唔夠脆 另外加錢追加蜜味烤雞脾($18)+酒醉溏心蛋($6/隻) 雞髀嫰滑🍗，不過蜜味就爭咗啲👉🏻👈🏻 溏心蛋超好食🐣，帶點酒香蛋黃又流心 飯量一啲都唔少，起碼分到2-3碗🍚 仲可以係蒜蓉汁/黑椒汁/蜜糖豉油中3選1 蒜蓉汁食落都幾香🧄

今日上藍田朋友家中作客，當然唔可以兩手空空上去食飯。於是買左些佐酒小食上去。今次去到藍田啟田街市的一間店舖購買了以下的食物。店內MENU店內的食物樣貌都非常吸引，每一款都想試試。好彩今晚食飯的人數都多，可以樣樣都買少少試試。最後叫了以下食物1.德式豬手 （$88）份量大大份。新鮮熱辣烤起，外層烤得脆卜卜，肉質軟腍，配上芥末醬，好惹味另選了些酒醉系列2.酒醉豬手粒（$45）豬手口感有嚼勁，酒味濃，非常入味3.酒醉薰蹄（$45）薰啼爽口，一罐份量好多，淡淡的酒味，加上杞子的味道，佐酒一流。4.酒醉海蜇（$45）朋友最愛的海蜇，爽口，入味，正餐單資料，原來還有不同的分店。下次可以再買比家人食。

晚餐想加餸 第一時間就會諗起燒味正宗香港味道 仲有好多選擇原隻燒豬手 份量好多 拎返屋企外皮依然脆卜卜 肉質好結實 加埋芥末醬 好滋味蜜糖黑椒鴨胸 十分推介 腌到好香 而且肉嫩滑香口 送白飯一流每次去都排晒隊 原來仲有燒味飯今次試咗個豬頸肉（燒汁） 特製香濃汁加上燒到外皮好香 肉彈牙豬頸肉整個餐唔貴 又實惠呀 下次要試試其他冷盤都一樣好味 用膠樽裝住嘅酒醉海蜇洒味好重好特別 第一次食 又夠爽口食唔晒點算好？放入雪櫃第二晚食 一樣咁新鮮呀仲可以加入其他配做成新菜式一家人食就最好不過啦 方便快捷

剛好見大戶foodie介紹呢間，心諗藍田就有分店，梗係買黎試下啦⋯-揀左招牌燒豬手飯。豬手絕對有驚喜！由返到屋企打開食，直到最後一啖都依然脆口。成件豬手肥瘦筋位都剛好，唔會難以入口。味道上唔會太咸，配飯食啱晒，派對送酒做下酒菜都應該唔錯。其實唔洗汁都可以，佢蒜茸汁真心超蒜茸，我有啲怕怕，同埋佢比汁都唔慳家，比得好大方，但下次我會叫無汁比較啱我😂

平時都鍾意食花雕雞但價錢都幾貴下原來燒洒一族最新出左新配方既酒醉系列外賣用罐裝包好，一D都唔驚倒瀉酒醉薰蹄薰啼好爽口，特別係豬皮一罐分量好多，好似食極都仲有咁淡淡既酒味，仲有少少杞子味道平時宵夜真係好正酒醉豬手粒如果鍾意食豬手呢個你一定會鍾意貼骨肉好正，豬手仲有一條蹄筋口感更有嚼勁仲要好入酒味，鍾意濃味既一定要試酒醉溏心蛋平時日式糖心蛋就試得多今次試下中式用酒浸一切開真係好糖心連蛋黃都好入味❣️酒醉腎片呢個好正，用黎送酒一流一D腎既腥味都無好爽口入味完全唔會靭，好輕易咬開酒醉雞中冀點可以唔試醉雞今次要左雞中冀貪佢夠肉滑雞皮完全入晒味，真係超級正

放學經過啟田街市，屋企人幾鍾意喺呢間舖頭買燒味，今次屋企人叫我買返屋企比佢哋做餸～珍寶慢煮醬烤豬肋骨一大條豬肋骨，佢嘅醬汁幾香，甜甜地，食落覺得幾入味～肉同骨嘅比例幾啱，餸飯好好味😋香草法式燒春雞一隻燒春雞，職員幫我哋斬好外皮幾香，幾Juicy,一咬啲肉汁就流晒出嚟～雞肉都幾香滑香甜蜜味烤雞髀兩大隻烤雞髀🍗烤得好香，食落覺得幾香甜，同樣有好多肉汁，雞肉好有咬口酒醉花雕雞一大罐酒醉花雕雞，入邊有好多切成一件件嘅雞肉，食落有好香嘅酒味，同樣好適合餸飯

真係好少見燒味店會有咁多西式嘅燒味😍上次加餸就買咗份德式燒豬手🐷新鮮熱辣嘅燒豬手 外皮勁香脆 肉質好嫩口 再加埋少少肥膏 口感好豐富 食落好甘香仲要好入味🥰真係拍得住西餐廳🍴