四川重口味

营业中

休息中

筲箕湾呢间四川重口味新装修, 楼高两层, 店面空间好大, 坐得好舒适。而且川菜款式多, 又有鸡煲小菜, 适合一班人聚会。招牌酸菜鱼 $168可选脆鲷鱼或桂花鱼, 我地选左脆鲷鱼, 肉质脆口, 汤有香麻味又浓郁。配菜有好多酸菜、娃娃菜同薯粉。大盘咸肉菜花 $72份量很多, 孜然粉味道非常香, 当然食落都系啖啖孜然粉味。咸肉爆炒得好香口, 咸香味很出再配上孜然粉味道, 送饭一流。黄金皮蛋 $40一直都较喜欢食黄金皮蛋多过普通皮蛋, 少了阿摩尼亚既味道。重庆酸辣粉 $29原本以为酸菜鱼冇配薯粉, 所以就叫左酸辣粉, 不过唔紧要, 叫多左都食得晒, 酸辣粉吸晒汤汁, 好好食, 而且又唔会好辣。红糖糍粑/6条 $48糍粑外层脆卜卜, 内层烟韧, 配上红糖, 甜度刚好。