蕃滿門

营业中

休息中

本人非常钟意食蕃茄同蛋，大约年几前一个朋友介绍我试呢间「蕃满门」后就对佢念念不忘。呢间餐厅主打蕃茄汤粉同饭，无咩野系同蕃茄无关。如果唔钟意食蕃茄既你，入到黎真系无咩野食可以拣。因为已经黎第3次啦，所以真系唔洗点睇餐牌都知有咩食，同之前一样，都系叫蕃茄汤螺丝粉，不过今次叫既配料唔同，叫左杂菌，至于汤底，就叫左小辣。好快热辣辣既蕃茄汤螺丝粉就到啦，卖相好靓，汤底呈红色，睇得出落左唔少茄膏，汤里面有嫩滑既炒蛋，食落好Creamy，杂菌既份量都唔少，汤底辣度适中，不过如果俾我拣我都系会拣返原味，因为咁样先至食到蕃茄真正既鲜味，而唔会俾辣味盖过。螺丝粉方面份量对于一个女仔黎讲算过多，细食既女仕们可以考虑叫少粉。