農民泰菜 (已結業)

呢日同朋友来到沙田，行行吓街来到沙田中心，唔争在行埋好运中心，跟住就因为下面呢两个指示牌带引我哋来到以下呢间泰式快餐店～农民泰菜。大大的招牌，好阔嘅通道，里面很简洁明亮的装修，而非传统泰式餐厅格局。心谂，新潮非传统嘅装修应该有D潮D嘅美食啩，见到以下呢个餐牌，心中有数啦，就系佢～卤水鸡脾冬荫汤金边粉，个人喜好，我转咗米粉，亦加咗鱼腐。餐来到，卖相吸引，仲有青菜相伴，红红哋嘅冬荫汤已令我食欲大增，再吃埋鸡脾，哇，好淋，好入味，佢吸收埋D冬荫汤，竟然好夹，没有违背感。虽然吃之前有小小担心，但抱住试新嘢嘅心态，试出一种好味道朋友点嘅餐系青咖喱猪颈肉饭将两者沟埋变成咁样，超好味，唔太辣，椰奶恰到好处，咖喱味浓厚，差D谂住打包埋D汁另外叫嘅小食白云凤爪以及2杯特饮也很好味