翡翠拉麵小籠包 (已搬遷) 新店位置

其实我好钟意上海菜，但系系香港我又唔系好找到啱我口味的上海菜，唯有系翡翠我就食极都唔厌，今晚我又同屋企人来到沙田的翡面小笼包。佢地的酸辣汤比其他的上海餐厅无咁稠，啲料有好多，但系我好食得酸架所以每次都要加醋；佢地的醋同超市的唔同，应该系陈年老醋，味道淳厚，同酸辣汤好夹。食上海菜当然唔小得小笼包啦，佢的小笼包大细刚刚好，一口一个，仲有好多汤汁系入面，肉质鲜甜，正！中国人好多都面色唔系咁好，食鳝糊就可以去黄气，呢到的鳝糊有九黄，啲九黄煮到刚刚熟，唔会太老，同黄鳝好夹。狮子头有好多种煮法，我比较喜欢呢到的煮法，同津白一齐煮，唔系多汤果种，系啲汁包住个狮子头，今次好系咸咗少少，但系味道都ok。不可不提的就系甜品，我最期待的，有高力豆沙香蕉同炸慢头，高力豆沙系一个用蛋白做的甜品，好考功夫，啲蛋白同豆沙夹起来好得意，味道同口感都系；炸慢头本身无味道，但系同练奶一齐食，正个味道就唔同咗，好甜又好脆口，我的至爱。我谂无论佢要排几长龙，我都系会继续来帮亲。