峇里堂

营业中

休息中

尖沙咀嘅一间由印尼大厨主理嘅印尼菜餐厅，令我体验到印尼人对香料运用嘅独特烹调技巧，口味令人印象深刻。峇里堂招牌巴东牛肉 $168外表系一道由橙红色酱汁包裹住嘅牛肉，牛肉煮至软腍有溶化口感，食落去第一口系微微嘅辣味，随之而来系一阵又一阵不同香料嘅味觉冲击，十多种香料嘅配搭之下味道层次非常丰富，当中最突出嘅系椰奶嘅香甜同辣椒嘅香味，食完后口腔充满香气余韵。峇里酱炒四季豆 $88第二道系嘅酱汁系黑啡色，质感无咁稠，口味多咗一份微酸同洋葱嘅香口，四季豆炒至口感爽脆，配搭埋一齐食酸酸甜甜咁十分之开胃好味。珍珠香饭 $15佢哋嘅白饭颗粒分明，湿度啱啱好唔会好干身，有微微香味。峇里堂街头珍多冰冰 $62由雪糕、椰汁冰、cendol、红豆同粉条等组成嘅甜品，椰汁味道香浓甜度适中，各种配料混合埋一齐食口感香甜。