豚王 (已搬遷) 新店位置

一路想去食豚王,但的唔起心肝去等位。见佢系铜锣湾开左分店,心谂应该分薄左d人流既~就决定星期六收工果时,决定去排队试试!去到豚王已经两点几,见到门口好多人!但望真d原来d人系排小巴既!问左店员之后,原来真正既队要再行前d。果时条队未算好长,排队期间有店员会俾张纸你惕低想食咩,你惕完之后佢会系张纸度mark低你既衣著特征,有时d店员会问你饮唔饮水。虽然条队唔长….但唔经唔觉都排左成个钟…终于可以排到门口果条小队,准备入铺头。排紧果时个女店员好nice,会同我地倾下计咁。入到去好快就有面食,我叫左豚王,朋友叫左黑王。面方面要硬既!!!另外仲加了一块紫菜,叫了一只溏心蛋,两个人一齐share。先饮一啖汤~果然好味!!朋友话黑王都唔错,但佢觉得豚王好食d。初时睇d面好似唔多,但连汤一齐食,好快就好饱。最后仲剩好多汤添 食完果时已经4点几,下次会去试下翠王。但去之前一定要食少少野打底先,因为等太耐,唔岩太肚饿既时候去。另外,留意到一样野,间铺的面积唔大,但入面有好多员工@@我地一食完就收野好有效率。但系可能因为多员工企系度~令人感觉个空间更细小。