新記芝士麵 (已搬遷) 新店位置

湾仔地带，本人识条毛咩！全靠友人介绍，又有口褔！一路的士直入，只系慕住芝士捞丁呢款港式独有美味而嚟！藏于小巷之中，间舖门面细细，如果唔系司机大哥喺正门口停车，自己揾真系好易睇漏眼！店舖细细，但过咗LUCNCH TIME都少爆，令我更加期待！| 鸡扒芝士捞面 |茶记当然就唔多评论食物卖相，始终最有风味嘅茶记美食就系唔太金雕玉砌嘅港式市井风味！味道方面，鸡扒比想像中鲜嫩，有种中学鸡时放饭，走入茶记食个杂扒餐𠮶种味道！同样系快餐式嘅质素，但你唔会觉得厨房欠诚意，反而回味起哪些年𠮶种风味！最重要系咁平嘅价钱，就享受到大大块嘅鸡扒！至于个芝士酱汁，香浓幼滑，唔会太稀或太「杰」，水份调节得啱啱好，令到成个捞面惹味又饱肚，学生哥点可能唔LIKE！？夹埋鸡鸡扒同个捞面简真系天作之合！而最最最最值得我畀正评嘅，系佢个公仔面煮得刚好，唔会太硬太干身，或太稔食之无味，淋上芝士酱汁，面身仲有空间吸收个酱汁，捞一捞香气四溢！正！