飼說 (已結業)

六夫人之前见到绿色果碟蝴蝶粉已经好想试，上到黎先知，宜家暂停供应。不过唔食唔知，饲说又点止一味出色嘅菜色呢，今次试左波菜汁意粉同carbonara。讲真，呢度咩都好好食，连送嘅果个面包仔都好香脆，睇得出老板真系好用心，绝对无hea货。我拣左南瓜汤，好味过台湾饮果d，令本夫人好想学起黎番屋企疯狂咁煮嘅冲动。六夫人点嘅波菜汁意粉，食落岩岩好，唔太浓又唔会太清，波菜嘅味，令人一口接一口，系咁食唔停。carbonara嘅汁好浓郁，好有芝士味，味较浓，份工量都几多，唔似外边汁淡且小。难搞嘅六大爷最后竟然食清光。不得不提，呢度意粉嘅软硬度，系我食过咁多cafe以黎，掌握得最好。本身仲想试下松饼或者手工面包，但由于太好味食得太饱，一切都留待下一次再次造访。