燒洒一族 (顯徑街市)

营业中

休息中

烧洒一族，坐落喺大围显径街市入面，地址相当容易揾，嚟到呢度～第一时间买盒惹味香辣烤鸡肶饭，真系好抵食，$30元一盒(大大盒)，仲可以配埋黑椒汁，如果换转系喺其他地区，例如油尖旺、或者系中上环区，食番同一样嘅嘢，随时都要$50－$60元，所以真心讲句，真系坚抵！另外我又买咗一盒德国烤香肠，有黑椒肠同鸡肉肠，两款都非常好食，肠衣咬落好脆，肉质结实，肉味香浓，爱嚟做餐前小食最好不过，其实除咗我自己买呢两款食品外，仲有其他好多款式嘅食品，例如：脆皮烧猪手、酱烧五花腩、烧排骨、各款精美饭盒及酒醉系列食品等，总之款式多到不能尽录，顺带一提：呢度嘅环境真系相当干净同舒服，而且街市入面冷气又够冻，完全冇焗促嘅感觉，邨内街坊及其他外来顾客都可以喺一个好舒服嘅环境下尽情选购钟意嘅食品，的确系一件赏心乐事！