影片
更多
2021-10-28
64 浏览
今日去太子做嘢喺地铁出口隔离有间几特别嘅餐厅Paradise cafe Dessert Bar 呢间主打西式嘅餐厅，门口嘅餐牌都几吸引，有好多午餐比客人选择，最紧要价钱一啲都唔贵喺太子区收呢个价真系好平好抵食。12点准时见到佢刚刚开门，餐厅职员好有礼貌招呼我哋入去，我见座位多数都系二人坐位，有几张枱系四人座位，所以都坐得几舒服同埋最紧要好干净，我哋几个朋友嚟到见到真系好多选择，餐牌啲食物每样都好吸引，有意大利粉，意大利饭，阔条面，好多款式嘅牛扒，羊架，猪手，炸薯条，all day breakfast 佢呢个All day breakfast真系好抵食，有十几样食物(西冷牛扒，炒蛋，烟火腿，烟三文鱼，烟肉，肉肠，茄汁豆，薯饼， 蕃茄，炒杂菌，粟米，田园沙律，多士，橙汁）相当丰富，牛扒劲好味，个薯饼又香脆，个炒蛋嘅份量我谂系出边餐厅嘅两倍，仲有个烟三文鱼又唔会太咸有鲜甜味，性价比高好抵食澳洲榖饲肉眼牛扒配烧汁牛扒煎到啱啱好，大约七成熟，都算大块。味道好香肉质超嫩滑，冇谂过一间餐厅仔可以做到超水准嘅牛扒，值得一赞。同埋佢都好细心，将啲烧汁用过碟仔另外装住，因为本身唔钟意太多汁，所以好欣赏佢嘅
Paradise cafe Dessert Bar
呢间主打西式嘅餐厅，门口嘅餐牌都几吸引，有好多午餐比客人选择，最紧要价钱一啲都唔贵喺太子区收呢个价真系好平好抵食。
12点准时见到佢刚刚开门，餐厅职员好有礼貌招呼我哋入去，我见座位多数都系二人坐位，有几张枱系四人座位，所以都坐得几舒服同埋最紧要好干净，我哋几个朋友嚟到见到真系好多选择，餐牌啲食物每样都好吸引，有意大利粉，意大利饭，阔条面，好多款式嘅牛扒，羊架，猪手，炸薯条，all day breakfast 
佢呢个All day breakfast真系好抵食，有十几样食物(西冷牛扒，炒蛋，烟火腿，烟三文鱼，烟肉，肉肠，茄汁豆，薯饼， 蕃茄，炒杂菌，粟米，田园沙律，多士，橙汁）相当丰富，牛扒劲好味，个薯饼又香脆，个炒蛋嘅份量我谂系出边餐厅嘅两倍，仲有个烟三文鱼又唔会太咸有鲜甜味，性价比高好抵食
澳洲榖饲肉眼牛扒配烧汁牛扒煎到啱啱好，大约七成熟，都算大块。味道好香肉质超嫩滑，冇谂过一间餐厅仔可以做到超水准嘅牛扒，值得一赞。同埋佢都好细心，将啲烧汁用过碟仔另外装住，因为本身唔钟意太多汁，所以好欣赏佢嘅细心。
香脆猪手配烧汁呢个简直系必食嘅推介，猪手皮炸得金黄香脆咬落去索索声，肉质非常嫩，同埋啲肉好多肉汁，口感十分之好，平时食啲猪手都会炸到有啲鞋，佢呢个系完全唔会有鞋嘅感觉。我哋大家都好欣赏，好满意，当我哋买单嘅时候，餐厅已经坐满晒客人，下次会再嚟呢度食下午茶，饮红酒，因为我见到佢有好多红酒嘅选择
呢间餐厅真系必食嘅推介
张贴
