影片
更多
2013-10-28
1992 浏览
今次黎到呢间－胜博殿，同行既朋友间中都会黎食，所以都俾左 d 耐性等一下。不过都系等左大概半个钟，十张枱左右就有位，都唔算特别耐。好好玩既磨芝麻 手指指咁样落左几样野食，侍应就自动波上左好多野上枱，侍应问洗唔洗讲解，虽然同行既两位都黎过好多好多次，可能就快食到 2036，不过我都系叫左侍应讲一下。情况系咁既，每人会有一碗未磨既黑白芝麻，要自己磨完再加 d 猪排酱用黎点吉列猪排既。努力过后，其实要磨到咩程度都系见人见智既 开胃既沙津菜一大盘既沙津菜，好似好大咁，但其实六小碗左右就食完~ (三个人一齐食既 =v="侍应姐姐系讲解既时候好似话可以加枱上面果两支酱汁捞捞佢食既，咁当然唔洗问，落几多识随尊便啦。而呢 d 沙津菜亦都系任添既。。 (咦！？加左少少调味既沙津菜，其实 d 酱几好味，应该都算系开胃前菜，同食到你饱既 "饭后食品" 原汁原味既炸猪排主食上得都几快，磨完芝麻，捞完沙津菜，再食两三啖就已经开始上枱。呢个系特上级炸猪排套餐，有一小碟盐同柠檬作少许调味。味道唔错，食落都唔会成啖炸粉，猪排都好软，点一下自己辛苦一轮既芝麻猪排酱，亦都系有另一番风味～ 伴饭一流既味噌猪排套餐呢
今次黎到呢间－胜博殿，同行既朋友间中都会黎食，所以都俾左 d 耐性等一下。不过都系等左大概半个钟，十张枱左右就有位，都唔算特别耐。好好玩既磨芝麻
手指指咁样落左几样野食，侍应就自动波上左好多野上枱，侍应问洗唔洗讲解，虽然同行既两位都黎过好多好多次，可能就快食到 2036，不过我都系叫左侍应讲一下。
情况系咁既，每人会有一碗未磨既黑白芝麻，要自己磨完再加 d 猪排酱用黎点吉列猪排既。
努力过后，其实要磨到咩程度都系见人见智既 开胃既沙津菜
一大盘既沙津菜，好似好大咁，但其实六小碗左右就食完~ (三个人一齐食既 =v="
侍应姐姐系讲解既时候好似话可以加枱上面果两支酱汁捞捞佢食既，咁当然唔洗问，落几多识随尊便啦。
而呢 d 沙津菜亦都系任添既。。 (咦！？
加左少少调味既沙津菜，其实 d 酱几好味，应该都算系开胃前菜，同食到你饱既 "饭后食品" 原汁原味既炸猪排
主食上得都几快，磨完芝麻，捞完沙津菜，再食两三啖就已经开始上枱。
呢个系特上级炸猪排套餐，有一小碟盐同柠檬作少许调味。味道唔错，食落都唔会成啖炸粉，猪排都好软，点一下自己辛苦一轮既芝麻猪排酱，亦都系有另一番风味～
伴饭一流既味噌猪排套餐呢个就系有味噌锅既猪排套餐，虽然主菜几乎同时上，我地亦都唔系食呢个有汁既先，但系 d 猪排都仲未俾 d 汁整软左，食既时候都仲系好脆。唯独系觉得呢个味噌口味唔系特别岩我口味，个味噌有点太过抢左猪排既肉味。
不过呢，作为伴饭都应该几唔错既。
味道一流既黄金味噌千层锦呢度间中会有一张独立 menu 推介一 d 唔同特色既套餐、食品，呢期个主题系「秋祭．黄金味噌千层锦」。而我地叫既呢个系 黄金味噌千层锦伴猪柳卷套餐。 (个名真系好长，系咪以前 d 名好听 d 同短 d 既呢
个 "千层锦" 虽然同 menu 上面个样好唔同，个样无咁圆既，不过味道绝对一流。口感就同特上猪排有少少唔一样，肉质比猪排松一 d (可能因为呢个系一片片猪肉既关系)。中间个汁，形容唔到，但我绝对推荐大家试呢个，真系好好味~
个猪柳卷有唔同口味拣既，我地就拣左芝士味。芝士向中间，旁边有好多好多一片片既猪肉，卷起黎炸成既。味道唔错，真系完全唔洗点辛辛苦苦整出黎既酱都好好食。跟套餐有既饭同面豉汤
仲有仲有讲番一下，套餐其实仲有饭同面豉汤，饭可以拣白饭同糙米饭。
重点系，都系任添，所以都唔洗担心食唔饱
总结：绝对值得一试～
呢间胜博殿食物水准真系一流。
当食牛店开到通街通巷，仲要价钱由好平到好贵都有既时候，不奇然应该会有个路人甲问：「边度会有人食咁贵既猪排㗎？」
当然啦，大家都各有喜好，呢句亦都纯粹系我虚构出黎既，但系食呢方面有时转转口味，试下新野，其实都无咩坏 je。
是米 =v=?
题外话/补充资料：
虽然我地三个人叫左三个餐，但系猪排既份量好似少左少少，如果可以有得拣大份 d 既猪排就好啦~
(以上食记乃用户个人意见 , 并不代表OpenRice之观点。)
张贴
