每日

营业中

休息中

第二次去每日，上次去系午餐时间，今次去系晚餐时间。发现唔同嘅系晚餐多一个汤，胡椒汤，冇生炒糯米饭，但有饺子配辣油（五辛），晚餐时间有香蕉拔丝。今次系同一个朋友嚟食，佢系随机分配位置，所以想坐靓位就要早啲嚟。食品类仍有好多，但可能因为六点钟到，所以有啲食品未上齐。有头盘、汤类、中式主菜、沙律、水果、甜品、糖水、饮品。好多食品都冇数肉同蛋，适合全素嘅人食。而且无乜素肉食品，较天然👍🏻。中餐类型偏多，想食西式素食嘅话未必系一个好嘅选择。我人最惊喜系胡椒汤， 因为坊间唔系好多素嘅胡椒汤，而个人十分喜欢胡椒味。另外甜品都十分出众，特爱绿茶芋泥饼同香蕉🍌拔丝。我同友人都唔系素食人士，但成餐食完好满足，完全唔觉得系好dry, 而且无一种无食到肉唔满足既感觉。适合肉食同素食人仕既餐厅。食得多肉又想清下肠胃既你，十分推介呢间餐厅👍🏻如果想去食，提议先book位。