橘焱胡同燒肉夜食 (已結業)

听闲胡同呢间餐厅服务好，会有专人帮你烧烤而且食物质素又好，仲要系台湾过黎既，所以就同埋朋友一齐黎试下。入到餐厅职员见到我地拎住手袋就问我地需唔需要寄存，很贴心。坐底就开始点菜，如果喜欢食牛肉嘅朋友呢道会有好多选择，佢地嘅厚切翼板肉和牛舌都好出色。猪肉方面我地就点左霜降松阪猪、上等五花肉、梅花豚肩排和大头肠。其他肉类我们点左鸡肉类，椒盐鸡软骨、焱烤掌中宝、焱烤手羽先。另外佢地仲有羊架，可惜无哂货，因为每日供应数量有限，所以今次食唔到，惟有等下次机会。海鲜方面我地点左扇贝、大草虾、蟹膏生干贝和鲭鱼，鲭鱼唔系系我地炉上面烧，系佢地用炭烤，烤好就俾我地食。而蟹膏生干贝就生食，好新鲜！蔬菜类我哋就点左波特蘑菇和山药，真系估唔到烧山药会咁好味，平时食山药个口感好滑潺潺咁，但烧完出黎好爽口感好似薯仔。我地食完一碟之后再追加多一碟。最后食到咁满足我地都想试下佢地啲甜品，点左佢地推介嘅托斯特芋泥卷。呢个卷系用面包卷住芋泥，一啲都唔会滞，面包有啲脆口，再有炼奶同朱古力酱淋系面包外面，味道就更加好味。重点系有专业服务 唔洗怕自己烧得太生或者太熟 佢地既专业识得用大火细火只要坐系到等食就好 very good