貓記奶茶x和順記

营业中

休息中

今日喺屋企食晏，外卖叫咗呢间餐厅试，第一次食。本来佢标榜鸡髀好食，但见有白鳝饭，因为平时少机会食到，所以叫咗呢个。另外都叫咗可乐煲姜，因为有啲感冒唔舒服。仲有跟餐要咗热奶茶，见佢亦都标榜自己奶茶好味。白鳝饭好食！佢应该系连锡纸一齐煮，生米煮熟，所以好香鱼味，味道唔太咸，啱啱好，仲有好多旧白鳝，多到我食唔晒！另外佢有得俾我拣转面，有一个面系佢哋自己整嘅咖喱味杯面，我好奇所以加咗嚟食。点知原来本身有饭，仲有个面，好似我一个人食两个餐咁😂 个面嘅味道真系同咖喱味杯面一模一样，但系佢唔系味精粉，而系真系咖喱酱，好正！可乐煲姜好温暖，落咗超级多姜，所以够辣，好好饮！杯奶茶唔系我饮，摸上手系热辣辣！下次会再试吓呢间餐厅嘅其他食物！