貓記奶茶x和順記

营业中

休息中

今日喺屋企食晏，外賣叫咗呢間餐廳試，第一次食。本來佢標榜雞髀好食，但見有白鱔飯，因為平時少機會食到，所以叫咗呢個。另外都叫咗可樂煲薑，因為有啲感冒唔舒服。仲有跟餐要咗熱奶茶，見佢亦都標榜自己奶茶好味。白鱔飯好食！佢應該係連錫紙一齊煮，生米煮熟，所以好香魚味，味道唔太鹹，啱啱好，仲有好多舊白鱔，多到我食唔晒！另外佢有得俾我揀轉麵，有一個麵係佢哋自己整嘅咖喱味杯麵，我好奇所以加咗嚟食。點知原來本身有飯，仲有個麵，好似我一個人食兩個餐咁😂 個麵嘅味道真係同咖喱味杯麵一模一樣，但係佢唔係味精粉，而係真係咖喱醬，好正！可樂煲薑好溫暖，落咗超級多薑，所以夠辣，好好飲！杯奶茶唔係我飲，摸上手係熱辣辣！下次會再試吓呢間餐廳嘅其他食物！