影片
更多
2018-05-31
85 浏览
男朋友无啦啦话想好好好食嘅边炉，肥牛，我就梗系立即走去揾吓啦，喺铜啰湾有咁多访炉，我就听人介绍嚟左呢间火锅英雄。一入到去见到装修都好有味道，周围挂住好多毛笔字写嘅墨宝，好有中华英雄嘅感觉，坐位都劲宽敞仲有个cushion比你挨吓，坐得好舒适。一坐低就放咗盘小食盘，有八种小食比你，有海带，青瓜，猪耳等等川菜小食，辣辣地好醒胃。到汤底，嚟呢度当然要试下佢个麻辣汤底，我地叫左呢个同一个菇清汤，麻辣汤底嗌咗少辣所以唔系话好辣，但系食落都好正，菇汤我地睇返系有牛油味喺入面，都好正。到啲料啦，我地就叫左牛肩肉，你睇相都睇到啲肉嘅雪花分布得几平均，渌完之后入口弹牙兼好有肉香，男友食得超满足。之后就系呢个黑毛猪，好大块同猪味好浓，唔会话好大块好难去食，好软熟好好咬口。四色丸分别有虾，墨鱼，鲮鱼同牛丸，一食就知系新鲜手打，每种三粒SHARE岩岩好。仲有鱼腐，咬落去好绵唔会话好实，用嚟吸汤汁一流。当然要叫返样海鲜，呢个鳝片不得了，劲大块又无骨，鲜味十足，用嚟放麻辣一流，啲鲜味出哂嚟。饮品我地就叫左个洛神花茶，酸酸地开胃解肥腻，饮完就可以继续大拆特拆。食完男友都非常满意，话下次同朋友嚟食要开吓酒饮，我都好满
一入到去见到装修都好有味道，周围挂住好多毛笔字写嘅墨宝，好有中华英雄嘅感觉，坐位都劲宽敞仲有个cushion比你挨吓，坐得好舒适。
一坐低就放咗盘小食盘，有八种小食比你，有海带，青瓜，猪耳等等川菜小食，辣辣地好醒胃。
到汤底，嚟呢度当然要试下佢个麻辣汤底，我地叫左呢个同一个菇清汤，麻辣汤底嗌咗少辣所以唔系话好辣，但系食落都好正，菇汤我地睇返系有牛油味喺入面，都好正。
到啲料啦，我地就叫左牛肩肉，你睇相都睇到啲肉嘅雪花分布得几平均，渌完之后入口弹牙兼好有肉香，男友食得超满足。
之后就系呢个黑毛猪，好大块同猪味好浓，唔会话好大块好难去食，好软熟好好咬口。
四色丸分别有虾，墨鱼，鲮鱼同牛丸，一食就知系新鲜手打，每种三粒SHARE岩岩好。
仲有鱼腐，咬落去好绵唔会话好实，用嚟吸汤汁一流。
当然要叫返样海鲜，呢个鳝片不得了，劲大块又无骨，鲜味十足，用嚟放麻辣一流，啲鲜味出哂嚟。
饮品我地就叫左个洛神花茶，酸酸地开胃解肥腻，饮完就可以继续大拆特拆。
食完男友都非常满意，话下次同朋友嚟食要开吓酒饮，我都好满足。
张贴
