九龍燒味餐廳 (已結業)

今日下午茶时间同朋友行过佐敦，又见肚饿，谂住系附近是但揾啲嘢食下就算！因为我朋友佢本身好钟意食烧味，咁啱有间烧味茶记喺街角附近，就走咗入去试吓啦！其实我自己本身好唔钟意食烧味，又干又难咬，味精又多！但依间餐厅话主打烧味，就勉强叫碗《叉烧乌东》试吓啦，天气冻加杯热菜蜜做餐饮！咁我老友当然叫咗个《烧味拼盘》啦！《叉烧乌东》卖相普通，但配料十足，乌东煮得啱啱好，唔会太淋，又唔会有酸味！叉烧浸落碗乌东汤底，谂住实成碗猪油啦，竟然冇乜猪油浸出嚟㖞，依个真喺卖点！成个汤底根本上真喺冇乜油，只喺比较咸，但可以接受！《烧味拼盘》用上半肥瘦叉烧！食落好有口感，又弹牙！对传统叉烧完全改观！烧鹅又喺一绝，真喺皮脆肉嫰，完全无烧过火同干净净嘅感觉，明显喺烧得啱啱好！油鸡嫰口滑溜！烧肉真喺好好食，皮脆肉瘦，无肥膏！依间新派烧味茶记，真喺值得推介！平均每人 45 蚊，抵食好味！