影片
更多
2024-04-19
108 浏览
路过见到呢间日本过江龙「甘味处镰仓」 ，见到职员整紧招牌名物「镰仓蕨饼」，即刻忍唔住买晒两个味试下，再叫多两杯饮品同刨冰，叹返个下午茶先～✦ 蕨饼｜原味、浅川园抹茶一打开就见到满满黄豆粉同抹茶粉，一啲都唔孤寒呀！蕨饼大大粒口感软糯，唔会太甜又唔黐牙，可以加入自家制黑蜜，我会将一大粒切开变细细粒，可以黐到更多黄豆粉，绝对称得上系我食过最好食嘅蕨饼！✦ 刨冰｜宇治金时刨冰用日本直送天然水制作，口感绵滑，份量都唔少，2-3个人食都可以。抹茶味刨冰配红豆蓉同白玉丸子，仲可以$12追加3小件蕨饼，冰爽感觉最啱同闺蜜行完街去叹✦ 蕨饼饮品｜草莓朱古力奶蕨饼·期间限定香浓朱古力奶配草莓好夹，面头仲有大量朱古力忌廉，啖啖都饮得到草莓粒粒同蕨饼粒粒，饮品入面嘅蕨饼感觉比就咁食更滑嘟嘟✦ 蕨饼饮品｜浅川园抹茶蕨饼抹茶配上黑蜜蕨饼，淡淡抹茶味，饮落去似食紧一杯抹茶味嘅甜品之前经过屯门市广场见到装修中嘅「甘味处镰仓」屯门人表示到时唔使去到咁远就可以食到好好味嘅蕨饼啦，屯门店唔知几时先开呢，期待啊～
✦ 蕨饼｜原味、浅川园抹茶
一打开就见到满满黄豆粉同抹茶粉，一啲都唔孤寒呀！
蕨饼大大粒口感软糯，唔会太甜又唔黐牙，可以加入自家制黑蜜，我会将一大粒切开变细细粒，可以黐到更多黄豆粉，绝对称得上系我食过最好食嘅蕨饼！
✦ 刨冰｜宇治金时
刨冰用日本直送天然水制作，口感绵滑，份量都唔少，2-3个人食都可以。抹茶味刨冰配红豆蓉同白玉丸子，仲可以$12追加3小件蕨饼，冰爽感觉最啱同闺蜜行完街去叹
✦ 蕨饼饮品｜草莓朱古力奶蕨饼·期间限定
香浓朱古力奶配草莓好夹，面头仲有大量朱古力忌廉，啖啖都饮得到草莓粒粒同蕨饼粒粒，饮品入面嘅蕨饼感觉比就咁食更滑嘟嘟
✦ 蕨饼饮品｜浅川园抹茶蕨饼
抹茶配上黑蜜蕨饼，淡淡抹茶味，饮落去似食紧一杯抹茶味嘅甜品
之前经过屯门市广场见到装修中嘅「甘味处镰仓」
屯门人表示到时唔使去到咁远就可以食到好好味嘅蕨饼啦，屯门店唔知几时先开呢，期待啊～
张贴
