Springtime (已搬遷) 新店位置

柴湾呢啲比较偏嘅小区无咩黄店，难得见到一间，梗系要去惩罚下。入到去嘅格局好靓，而且仲有好多好文青嘅摆设。见到餐牌有好多嘢食，意粉 risotto 牛扒 烧春鸡都有。今次就叫左个burger配薯条。每个lunch set都会跟餐汤或者嘢饮，当日嘅嘢饮系南瓜汤，我就麻麻地南瓜嘅味，所以叫左冻水果麦茶😂🥳本身以为呢个价钱个burger应该唔会大得去边，仲担心紧会唔够饱，点知发现超大个，一个人食嘅话超饱。佢个包食落好脆，明显有烤过，唔会话俾啲水蒸气整到淋哂✌🏻啲牛肉食落唔会话好干，好好食😌🍔下次黎可以试下其他lunch set先得！🤩🤩