Chotto Maki (利源西街) (已結業)

喺中环揾到间好精致嘅寿司小店，里面大部份嘅都系创意寿司，而且啲用了好特别，好有fusion嘅味道。Lobster roll$98当日其中一个special，有龙虾沙律，蟹棒，牛油果，火炙三文鱼，上面仲加咗啲鱼子酱同埋葱花，首先一客有8件，而且每一件嘅份量都好多，创意寿司来讲非常抵食，最重要佢每个配料同其他都好夹，唔系求其将所有材料搭埋一齐，用牛油果去带出龙虾沙律同埋蟹棒嘅鲜味，上面嘅火炙三文鱼令到成个鱼油味更加香，同时加番啲葱去咁低火炙三文鱼油腻嘅感觉。Oshizushi四件$48做法同箱压寿司有啲似，都系正正方方咁，系当日另外一个special，同样有火炙三文鱼，牛油果，蟹子，同埋加咗啲芝士美乃滋同辣椒美乃滋，个寿司做到一层一层咁样，好似汉堡包，上面有一块辣椒，都几辣下，我唔系好食得辣所以就拎走左佢，配返佢个有少少辣椒味道嘅汁，个辣度就啱啱好啦。Black magma$72上面有啲切碎左嘅帆立贝，拖罗蓉，仲有啲蟹子同埋啲天妇罗碎碎，食起上嚟有几种唔同嘅口感，帆立贝同埋拖罗蓉都好新鲜，切碎左令到成个味道更加配合，唔会好分明咁。加$10仲可以配多个面豉汤。