洪師父牛肉麵 (已結業)

比呢间台湾野既门口吸引左入去，门口有好大碗面，见到就想食。叫左一个二人餐，包左一大碗牛肉面加两个小食同两杯野饮，另外再加多左两个小食。因为佢d小食样样都好吸引 。.首先讲下d小食先，盐稣鸡一碟大约5-6粒，系大粒既，而且炸粉唔会好厚，都有肉食，味道唔错，唔会好咸。地瓜条食落蕃薯味好香，上面加左d准盐更加香，外面咸入面甜。一口炸豆腐简直一流，外面炸得好脆，入面系好滑既豆腐，唔会炸到好干，咸咸地，正。不过佢既猪耳就麻麻地，唔入味，又切得太细条，令口感唔好食。到佢既主食牛肉面，佢一碗入面有几款牛肉，样样都出奇地好食，唔会因为太大旧而嚡烚烚，佢仲教你食呢碗面既次序。钟意食辣既一定要试下佢地既辣椒油，真系唔错。最后系野饮叫左珍珠奶茶，佢既奶茶都几好饮，拍得住出面既手摇奶茶，但珍珠就硬左d，唔知系咪因为就关门d珍珠唔新鲜。