銀杏館 (已結業)

我个人最钟意食糖醋鱼块 ，所以一嚟到就叫左碟糖醋菊花斑块。虽然系得两块，但就系原块连皮石斑，非常大件，而且系用刀工界花做装饰，炸完再上糖醋汁。 个粉一啲都唔厚，唔干又好脆。我觉得系几特别同几出色。另外一样系南瓜甘笋汤。入面啲南瓜已经煲到溶开晒，融晒入个汤度所以好清甜。而且因为系素汤，佢唔似啲用猪骨或鸡脚煲嘅汤咁油腻，几健康。最后我仲买左枝洛神花特饮。有淡淡既甜味，唔似我饮过既洛神花蜜𠮶种假甜，呢种感觉系自然多好。具体啲嚟讲佢似系一种淡淡地自然甜嘅利宾纳味道。虽然价格算系中上，但谂到系一间支持长者就业嘅餐厅，而且服务态度同菜色都好好，我觉得系值得欣赏，应该多多支持。