慢煮工業 (已結業)

旧同学介绍呢间餐厅，约嘅时候睇到open rice 就已经觉得好吸引。体验完觉得好过期待。呢间餐厅唔难揾，都几方便。入到去睇一佢嘅工业风格装修，加上灯光昏暗，环境很有格调。睇menu 时就发觉好多野都好似好好食，而且价钱唔贵，CP 价都几高。个All the breakfast 可以拣安格斯牛扒或者龙虾，平时无呢两样都要120蚊，依家都系138,真心唔贵。个88蚊嘅蚬肉蝴蝶粉听朋友讲好足量，因为睇唔到都无特别感觉，直到见到隔离枱叫左个蝴蝶粉，先觉得88蚊好抵食。劲多蚬肉，有半碟大排档炒蚬咁多。朋友叫左个卡真香蒜虾包，原本以为系汉堡所以无拣佢，点知系夹排包，仲好香添，好有惊喜。下次再黎试试最后叫左all day breakfast with 安格斯牛扒，除左个蜜糖多士冻冻地外，其他都好好食。特别系个牛扒，慢煮牛扒令牛扒里面可以均匀受热，切开见到啲无血水，啲粉红色好靓，食落都好嫩好好食，唔会太生或太熟。炒蛋好滑，大啡菇好厚肉，薯饼热辣辣。整体觉得呢个lunch 真系好抵食，虽然staff 话因为慢煮所以要等耐啲，但系仍然觉得出菜唔慢。下次再去试下个龙虾，蝴蝶粉，虾包同其他小食。