翡翠拉麵小籠包 (已搬遷) 新店位置

今日一连两餐都起呢度食，因为沙田无咩好食。lunch, 同男友食, 因为男友至爱呢度既小笼饱 小笼饱, 真系好鲜～ 一贯水准 煎鲜肉锅贴, 虽然等得耐, 但都值, 个皮厚度刚好, 肉好好味, 个皮底煎到脆卜卜, 好好食! 惊喜之作 - 膳糊炒拉面, 好好食! 味道刚刚好, 拉面好好食, 唔好太"林"太硬, 又唔会太油, 真系好鬼正~可惜, 桂花糖莲藕卖哂, 好想试丫!dinner, 原本book 左i-thai, 但发现父亲节四人餐加埋一都要成六百二十蚊, 劲唔抵啰, 因为之前都食过呢间. 问过大家意见后, 都系等食翡翠拉面啦~六点等到六点八, 终于有位啦~ 食左两笼小笼饱, 不过我无食到, 因为lunch先食完两只. 瑶柱双蔬, 都系咁啦, 不过好细碟㖞 黄金虾, 我想食左好耐架啦, 但原来都唔系特别好食, 谂返起之前食果个咕噜虾球仲好食丫! 惊喜之作again! 四川炒饭, 一闻到D香辣味, 就觉得好正, 但原来系少少辣架咋㖞, D虾好爽, 个饭炒得好多靓! 好想试埋其他炒野丫!!! 豆沙窝饼, 热辣辣, 好脆口, 唔错丫! ^_^埋单都系三百几蚊, 又好食, 好过食i-thai