牛陣 (已結業)

今日同班朋友仔去左牛阵到打边炉,好开心呀!可能我地果日太早食,所以唔驶等位就有得入去食。一坐底,就点左个鸳鸯汤底。爽啊!见到一红一白就觉得零舍开胃。最正嘅都系佢个猪骨汤,白雪雪,一睇就知煲左好耐先会有咁既颜色。个汤开始滚起时,牛肉就上枱,时间岩岩好。牛肉色泽好靓,好鲜红,肉质都唔差,唔会食到根或者渣。其他配菜就不过不失,比较特别既系我试左佢地嘅咖喱饭,真系几好食,好有咖喱味而且又唔会辣,就系日式咖喱既味道。估唔到佢咖喱饭既水准居然可以同出面专食日本咖喱既餐厅有得挥,连饭既软硬度都岩岩好。呢间餐厅整体质素都唔错，就系有一位侍应，每次叫佢时，佢都好似睇我地唔到咁,不过其他人都算积极。所以,呢餐饭食得都好开心。