茶果財

营业中

休息中

大澳有两间出名嘅茶果，一间系依间，一间系隐姑。依间六蚊，隐姑要成8蚊。我当日两间都买左一个眉豆即食，依间个皮比隐姑厚，馅同皮嘅比例较适中，个皮又够软，个皮依间胜。但讲到馅，我就钟意隐姑嘅味多少少，但隐姑个皮真系太薄，一边食会一边流馅，会食得好论尽。总括黎讲，我觉得依间抵食过隐姑好多，所以试晒两间之后，我决定临走去买两个花生茶果同红豆茶果听日食。但点知三点几去，一大班旅行团，将花生茶果同红豆茶果买晒，我最后唯有买两花生糯米糍，两个红豆糯米糍同两个眉豆茶果听日食。隔左成晚估唔个茶果皮完全无变硬，叮番热同即日食一样咁好食，一样咁软。至于糯米糍真系好有惊喜，隔夜个皮都仲好好食，好软，个红豆馅又多，一心只买茶果嘅我，真系好有意外惊喜。 好钟意，唔怪得依间三点几就卖晒茶果，4点就连糯米糍都买晒。早知佢隔左夜都唔硬，我就买多几个啦