影片
更多
2024-08-17
172 浏览
好耐冇去越南，讲真，对越南印象麻麻，但越南美食就唔同，系钟意嘅。时不时都会挂住，呢日又想食，就来到太子站始创中心附近呢间越南店食嘢。见到啲2人套餐好抵食，有以下咁多选择，啲河粉/捞檬( 生牛肉汤粉/牛丸汤粉/鸡丝汤粉/扎肉汤粉/香茅猪扒捞檬/香茅鸡翼捞檬/鸡丝捞檬/扎肉捞檬/猪肉卷捞檬)大概九款可以拣两款，已经差唔包括晒平时会食嘅嘢；跟餐小食就二拣一，即是安南鲜虾纸米卷1客/越式香茅鸡翼4只其中一款；仲有碟田园灼时蔬跟，非常好；饮品除椰青之外，可以任拣冻熟饮品或特色饮品2杯，平时食开嘢特色饮品都要加钱，呢度唔使但仲有好多选择，好正；如果想饮越式滴漏咖啡都系加10蚊啫。我哋嘅2人套餐选择就有“生牛肉汤粉”和“香茅猪扒捞檬”，汤底好鲜，饮咗唔少汤，牛肉浸少少食亦好好味；猪扒煎得香口，捞汁亦恰到好处。小食“越式香茅鸡翼4只”好有越式风味。见人哋食“酥香软壳蟹”食得津有味，唔执输都嗌咗一份，大大只有2只，食得开心。“椰汁三色冰”和“芒果西米露”亦有水准👍🏽👍🏽
我哋嘅2人套餐选择就有“生牛肉汤粉”和“香茅猪扒捞檬”，汤底好鲜，饮咗唔少汤，牛肉浸少少食亦好好味；猪扒煎得香口，捞汁亦恰到好处。小食“越式香茅鸡翼4只”好有越式风味。见人哋食“酥香软壳蟹”食得津有味，唔执输都嗌咗一份，大大只有2只，食得开心。“椰汁三色冰”和“芒果西米露”亦有水准👍🏽👍🏽
张贴
