曜謨串燒居酒屋

营业中

休息中

同老婆喺西环探完父母谂住番去自己个区先食嘢，谂住去泓都搭的士，行到去厚和街，见到之前食过嘅串烧铺转咗名，（曜谟串烧店），仲谂住呢个（谟）系读莫，点知最后先知原来系读（无）音，好彩有老板兼楼面嘅（昌哥）话我知，讲完闲话，讲番正题，其实我之前都有帮衬呢间串烧店，感觉气氛几好，嘢食又ok，但有段时间师傅啲串烧好鬼咸，但今次去啲人唔同哂，师傅手势好好，咸淡适中，有啲遍淡（可能因为我同昌哥讲咗我食唔到太咸，所以佢帮我同师傅讲唔好咁重手）老婆食得超开心（如果佢唔开心，我唔可以叫酒饮架，因为急急脚要走，所以我可以开一支720ml嘅大贺，昌哥介绍嘅）我最钟意食羊架，牛肉，鸡肾，鸡肝（哈哈，其实系串烧我都钟意食，因为配埋清酒真系冇得输），我老婆钟意食白鳝，虎虾，鲍鱼，佢话师傅烧得啱啱好，所以当晚都食咗好多，最后我仲可以开两支清酒添，全晚感觉超开心又满足，好耐冇试过食串烧店咁开心（有试过经历唔好嘅，呢到唔讲喇）所以喺到同咁多位bro，sis讲呢间嘢可以值得一试，佢地成班师傅楼面都好尊重啲客人，好窝心