墾丁茶房 (已結業)

Mega box有好多餐厅，星期六中午人流唔多，基本上你拣边间都有位。我同朋友拣左一轮，决定食台湾野垦丁茶房。餐厅座位宽敞，我地拣左张弧形梳化坐下，望正溜冰场，可以欣赏小朋友溜冰之余，仲有冰场免费流行曲听，确实系一个好好hea既地方。午市主要提供两类套餐：招牌套餐、午市精选套餐。主食连前菜和饮品，价钱由$65-$78。我地拣左口水惹味鸡同盐酥鸡排配香菇肉燥饭套餐。套餐份量适中，前菜系细细碗柠檬青瓜，正常无咩特别。主菜口水惹味鸡味道ok不太辣、盐酥鸡排略嫌㶶左少少，两边鸡肉较「鞋」，好彩中间两件都系嫩滑的。反而伴菜的酸菜好清新。最出色的，莫过于杯冻泡沫奶茶，大大杯无冰兼自己加甜，又香又滑。由于无咩人，坐几耐都得，我地hea左响树打机吹水两粒几钟先埋单走人。