COFFEE JACK

营业中

休息中

3月底时嚟坚尼地城，经过见到新开的咖啡店，觉得好环境好舒服，今次再在闲日下午茶时段过嚟，见到有新嘅饮品同食品，又嚟hea下同试下。坚尼地城厚和街，啱啱在大街隔一条街，环境清静，同间咖啡店个vibe好夹，小店分室内和室外空间，座位虽然不多，但感觉舒服，好啱平日下午茶时间嚟hea下。饮品方面，上次饮咗Iced Americano， 我本身对咖啡认识唔深，只凭自己感觉，觉得好唔好饮。  呢间咖啡店嘅咖啡，感觉唔strong，比较顺滑舒服，啱我口味！ 今次就试饮佢地新出的 Cucumber Expresso Tonic，卖相100分，靓到呢！  味道都出奇地refreshing， 无谂过青瓜味可以同Expresso Tonic 咁配，不过个人嚟讲，觉得青瓜味有少少略甜，但如果口味爱甜嘅，就一定好喜欢。至于新出嘅食品，就系好特别嘅棉花糖牛角包，有两个口味（朱古力/抹茶），今次试咗朱古力味。两大片棉花糖夹在牛角包中，烘到半溶，上面加上朱古力浆同埋朱古力粉，再以爆谷伴碟。 朱古力+棉花糖+牛角包呢个配搭，果然有惊喜，牛角包松脆，加上棉花糖嘅软棉棉，棉花糖咬开仲会打丝！！ 真系好玩又好食。