Terrace in seaside (AIRSIDE)

营业中

休息中

今日咁岩，好姊妹们早放工，又有人放假，我地几个就约系中间点食野喇~首先我地叫嘅第一道菜就系烧酱油黑毛猪白切肉紫苏饭！有人太肚饿，一黎到就即刻拎黎食，笑屎 me。黑毛猪真系好惹味㗎喇！肉质鲜嫩多汁，每一啖都系肥油，我愈食就愈惊，惊食完会重左几磅，但佢Ｄ猪肉配左烧酱油，加埋紫苏叶，真系实在太巧食喇！我地几个一食就停唔到口，变晒做猪～ 第二款就系韩式鱼糕饭卷，有人惊唔够饱而叫嘅。我本身就麻麻地咁大旧饭。成旧野睇相已经想像到佢个味，我都系食左一旧试下就算。之后叫左个热情金菠萝沙冰 share，我地就觉得有少少贵喇！如果你真系好钟意食菠萝同沙冰，可以试下，口感都算唔错。最后，我要大大力推荐Lotus焦糖窝夫！佢真系好好味！焦糖窝夫煎得香脆，再配上忌廉同埋焦糖，真系超级丁巧食。就算你唔中意甜品，都千祈唔好错过呢个焦糖窝夫！总括黎讲，「Terrace in seaside」嘅午餐都坐得舒服，野食 ok。我最爱嘅系烧酱油黑毛猪白切肉紫苏饭同埋Lotus焦糖窝夫！如果你想试下唔同口味嘅 fusion 菜，呢度系可以试下架！