大尾篤燒烤王 (已結業)

一行5个人去烧烤，天气唔多好，好似就快落雨咁。所以就决定左去呢间烧烤场，一来有瓦遮头，又唔驶自己买野食。一去到门口．．．一个人都冇，揾左一阵先见到有２个人烧紧，之后就有人招呼我地，帮我地开炉，拎Ｄ野食俾我地，有鸡中翼，鸡全翼，肠仔，芝士肠，丸，猪扒，牛扒，金沙骨同多春鱼，全部放系一个大盘。大路货物，味道就唔多讲，不过平日任食（４小时任食）只系５０蚊，都算系咁啦，自己买野烧都唔只呢个价，因为又要买炭买蜜糖买餐具之类，佢又包一枝６蚊既野饮（水ＯＲ可乐）。我地有自己买野饮去，就唔驶再同佢买！不过门口有写明如果自己带野饮系会罚钱（１００起），所以我地都只可以偷偷地饮。蚊好多，要带定蚊怕水，否则变左Ｄ蚊既午餐。