亞蘇爾 (形點) (已結業)

元朗开新商场之后揾食多左唔少选择，今次同妈妈食饭专登拣左平时系香港好少食嘅澳门菜，试下新野。颇喜欢Yoho内餐厅的设计，座位阔落加上楼底高，仲有向外嘅落地大玻璃，好舒服。午市有套餐，不过妈妈想试蟹粥所以冇点。有传统澳门美食都有新配搭，真系有少少选择困难小食拼盘份量比想像中多，足二人份量，可以每样试少少。黑醋猪手好爽口，唔会难咬，黑醋汁可以话系画龙点睛。霹雳鱿鱼系冷盘，鱿鱼肉质爽滑，微辣带酸几开胃，系我最喜欢嘅一味。辣肉肠芝士脆多士最惹味，加左芝士再烘几甘香，上菜后最好快D食，放耐左多士会冇咁脆。芝心马介休球炸得好脆，芝心效果唔系好出，不过相对上芝士唔会盖过马介休嘅甘香，几好味。主角蟹粥出场，除左粥仲有蟹膏、葱同油炸鬼可以伴粥。煮粥嘅蟹大只多肉，粥底自然鲜甜，我钟意加埋蟹黄一齐食，鲜味更加突出。食到咁上下有下午茶，于是又叫多两个甜品试下。鸡蛋布甸口感有惊喜，有弹性又滑，蛋香同焦糖一向都系最佳配合。抹茶黑木糠布甸比想像中更浓郁，抹茶回甘。至于葡挞可以话系澳门美食代表之一，酥皮有牛油香但较硬，蛋浆好好味，有蛋同奶香，口感好滑。下午茶餐跟埋饮品，咖啡几香浓，热情果梳打酦甜开胃又唔太甜，两样都唔