TRIBES

营业中

休息中

好少好少介绍食巴基斯坦菜，一嚟本身个人怕辣，所以惊食咖喱，第二就系之前食过一间觉得佢香料味太重，唔系好啱我食，不过今日依间系朋友介绍，佢话超级正宗，可以一改我对巴基斯坦菜嘅谂法，见佢讲得咁好食，就同佢一齐出去食。餐厅嘅装修唔算话好豪华，不过就感觉干净企理，叫咗香料咖喱鸡， 羊肉，薄饼，一人一杯饮品，包括士多啤梨奶昔同埋冻柠檬茶。香料咖喱鸡佢嘅香料唔系超级攻鼻或者令人有种抢喉嘅感觉，所以我都觉得呢一间唔错，而且佢配埋薄饼一齐食都几好食，佢个鸡份量唔算好多，但系都好入味，质地又滑。至于羊肉呢，朋友就话系必食，因为佢嘅羊肉唔会太膻，同样都系配薄饼一齐食。士多啤梨奶昔都几好嘅，食完啲重口味嘅嘢饮杯奶昔清下个口。冻柠檬茶都冇乜得输，就系咁就完结左我巴基斯坦之旅。