影片
更多
2019-02-04
94 浏览
前两日心思思想食辣野，就自己揾咗一间口碑几唔错嘅川菜私房菜过下瘾，认真几好☺☺。呢间私房菜都几隐蔽，系观塘一栋工厂大厦入面，搭到最顶仲要行多一层楼梯至揾到，但唔紧要，好野付出少少时间揾都值得嘅😁😁。餐厅入面真系细，完全系私房菜嘅feel，得三张大台，装修就好普通嘅一间中菜馆咁。由于我就自己一个人黎，就听老板介绍，点咗个套餐，有三个𩠌，一个沙律，都几好啦。第一个𩠌系老干妈爆炒猪润，老干妈可以话系全中国最受欢迎嘅送饭神器，用佢黎炒猪润，几咁正就唔洗多讲，辣味不算话好劲，但胜在香气十足，炒到啲猪润好入味好野味，好正。第二个𩠌就系经典嘅陈麻婆豆腐，听老板介绍呢个𩠌又系川菜嘅代表，唔少餐馆都专门开店整麻婆豆腐。呢度嘅麻婆豆腐特别个位系汁水比较杰同埋豆腐比较碎，咁样嘅好处系味道更浓郁而且每一啖饭都可以同豆腐一起食，𩠌饭简直系一流，热辣辣嘅麻婆豆腐连埋饭一齐摆落口，麻辣鲜香嘅味道，食到我留晒大汗，但唔知点解越食就越辣，越辣就越开胃，越想食，一口气食咗成两碗半饭，过足瘾。最后一道𩠌就清淡喇，系一碟蒜末炒菜花，岩好解下味浓嘅感觉，又爽又脆，味道都几唔错。对于无辣不欢嘅我黎讲，呢间川菜私房菜出品都几唔错，
呢间私房菜都几隐蔽，系观塘一栋工厂大厦入面，搭到最顶仲要行多一层楼梯至揾到，但唔紧要，好野付出少少时间揾都值得嘅😁😁。餐厅入面真系细，完全系私房菜嘅feel，得三张大台，装修就好普通嘅一间中菜馆咁。
由于我就自己一个人黎，就听老板介绍，点咗个套餐，有三个𩠌，一个沙律，都几好啦。
第一个𩠌系老干妈爆炒猪润，老干妈可以话系全中国最受欢迎嘅送饭神器，用佢黎炒猪润，几咁正就唔洗多讲，辣味不算话好劲，但胜在香气十足，炒到啲猪润好入味好野味，好正。
第二个𩠌就系经典嘅陈麻婆豆腐，听老板介绍呢个𩠌又系川菜嘅代表，唔少餐馆都专门开店整麻婆豆腐。呢度嘅麻婆豆腐特别个位系汁水比较杰同埋豆腐比较碎，咁样嘅好处系味道更浓郁而且每一啖饭都可以同豆腐一起食，𩠌饭简直系一流，热辣辣嘅麻婆豆腐连埋饭一齐摆落口，麻辣鲜香嘅味道，食到我留晒大汗，但唔知点解越食就越辣，越辣就越开胃，越想食，一口气食咗成两碗半饭，过足瘾。
最后一道𩠌就清淡喇，系一碟蒜末炒菜花，岩好解下味浓嘅感觉，又爽又脆，味道都几唔错。
对于无辣不欢嘅我黎讲，呢间川菜私房菜出品都几唔错，中意食辣又终于娟隆娟拉嘅朋友可以黎揾一揾呢间川菜馆😃😃😃。
张贴
